It(em) want jan van chynoe chynnoet als geleit/ tot allen den goeden have en(de) erve henrix/ faets op den dach van heden hadde doen/ inscrive(n) de kerckmeest(er)s en(de) heilichgheestmeest(er)s/ van huldenb(er)ge en(de) oic lijsbetthen faets sust(er)/ des voirs(creven) henrix die hem ongebruyc dede(n)/ aende goede h(ier) ond(er) bescr(even) Yerst aen huys ende/ hof met alle(n) sijnd(er) toebehoirte(n) geleg(en) te hulde(n)/ berge ond(er) de kercke inde elle ald(aer) met allen/ den ande(re)n erfliken goede(n) des selfs henrix/ ende voirts aende have h(ier) nae v(er)volgende/ Ierst vi ee(re)n potten iiii ee(re)n ketels iii(½) zwerte/ ketels vi ee(re)n panne(n) ii brantrode xii tynne(n)/ / scolen (½) dossijne co(m)mekens vi te(n)ne(n) kendeleers/ i scapraeye ii scrijne(n) iii bedden met hoe(re)r/ toebeh(oirten) vi drijvoete i hael i scermael/ i tange i roester iii ty(n)nen quaertpotten/ met alle(n) den ande(re)n haeflike(n) goede(n) inden/ voirs(creven) huyse wesende Aldaer de voirscr(even)/ p(er)soene niet comen en sijn den voirs(creven)/ janne van chynnoet sijne(n) dach va(n) rechte/ wachtende ende inden rechte compare(re)nde/ soe hebben de scepen(en) van loeven(e) t(er) manisse(n)/ smeyers gewijst voer een vo(n)nisse waer/ de voirs(creven) kerckmeest(er)s heilichgheestmeest(er)s/ en(de) lijsbeth niet en quame(n) ten opstane smeyers/ ende d(er) scepen(en) datmen dan den voirs(creven)/ janne van chynnoet vande(n) voirs(creven) goeden/ houden sal in sijne(n) beleide alsoe verre/ alst noch voer hen come(n) es p(rese)nt(ibus) roelofs/ abs(oloens) opp(endorp) velde decembr(is) x