It(em) ter meerder vestich(eit) den vors(creven) roelove en(de) den vorscr(even)/ p(er)soenen d(aer) die vors(creven) ix rins gul(den) lijfpens(ien) op gecocht staen/ en(de) elke(n) van hen tot hue(re)n vors(creven) scepen(en) brieven te doene/ soe sijn bij handen jans van rode vorst(er)s te loeven(e)/lodewijke voets tot behoeff den vors(creven) roelofe en(de)/ den gheene(n) d(aer) die op steet in handen gesedt eene(n)/ guldene(n) halsbant met drie dyama(n)ten ii robbijne(n) en(de)/ x peerlen d(aer) inne staen(de) te samen wegen(de) x onssen/ en(de) ii(½) yngelssche(n) Tot desen eynde gebuerdet hen/ in toecomen(de) tiden ind(er) betalinge(n) van hue(re)n vors(creven) rinte(n) oft/ bewisenisse d(aer) aff enich gebrec te hebben soe moeg(en)/ sij en(de) elc van hen huer gebrec aent vors(creven) juweel/ v(er)halen dat ten prijse van goudsmeden oft juwelie(re)n/ hen des v(er)staen(de) v(er)coepen en(de) wiesser iet ov(er) dat/ soudeme(n) wed(er)kee(re)n en(de) gebrek(er) iet dat soude(n) sij met/ hue(re)n scep(enen) brieven v(er)halen behoud(elic) dat sij alr(eede) moege(n)/ p(ro)cede(re)n mette(n) eene(n) vanden tween d(aer) hen dat mede/ gelieve(n) sal En(de) op dese vorwe(r)de heeft de vors(creven) wout(er)/ tvors(creven) juweel ov(er)geleveert sijn (con)sent in desen oppenbarlic/ dragende en(de) in p(rese)ncien d(e)r scep(enen) van loeven(e) doen leve(re)n o(m)me/ huer gebreken d(aer) aen te v(er)halen met alle(n) coste(n) en(de)/ lasten van rechte En(de) den vors(creven) scep(enen) brieff volvult sijnde/ en(de) hen negeen gebrec hebbende so sulle(n) sij gehoude(n) sijn/ wed(er) ov(er) te leve(re)n den vors(creven) wout(ere)n de vors(creven) juweelen/ in gevalle oft sij huer gebrec aende juweele(n) niet v(er)reict/ en hadden En(de) heeft de vors(creven) lod(ewijck) [uut sine(n) hande(n)] tvors(creven) juweel wed(er)/ ov(er)gelevert en(de) doen volgen den vors(creven) roelove bij oppenbae(re)n/ beheete (con)sente en(de) beveele des vors(creven) wout(er)s cor(am) eisd(em)