Want jan fien burdurwercke(r) die naeden rechte der stad van loeven(e)/ comen en(de) geleit is tot alle(n) den goeden have en(de) erve peet(er)s wile(n)/ ruelens te zeke(re)n dage van rechte tot op heden v(er)streke(n) sijnde/ hadde doen bescrijve(n) voer meye(r) en(de) scepen(en) van loeven(e) in(de)/ banc ald(er) der weduwen des vors(creven) wilen peet(er)sd huer kinder en(de)/ ja(n)ne faege die hem ongebruyc deden aen alle de vors(creven) goede/ Ald(aer) sij niet comen en sijn soe hebben de h(ere)n scepen(en) van lov(en)/ t(er) manissen smeyers gewijst voer een vo(n)nisse datmen den vors(creven)/ ja(n)ne vanden selve(n) goeden houden sal in sinen beleide also/ v(er)re alst noch voer hen comen is cor(am) eisd(em)