It(em) jan van oerbeke wijng(ar)de(n) wonen(de) in sinte qui(n)tens strate en(de)/ katlijne van tsorre(n)berghe sijn wijff in jeg(enwoirdigheit) der scepen(en) va(n) loeven(e)/ gestaen hebben gekint en(de) gelijt dat sij gehaven en(de) ontfanghe(n)/ hebbe(n) van henricke va(n) oppem iiii rid(er)s eene(n) sangwine(n) tabb(ar)t/ en(de) een dagelijxsche falie Welc gelt en(de) haeflike goede der/ vorg(enoemde) katline(n) inde(n) testame(n)te lijsbetthe(n) wile(n) va(n) tsorre(n)b(er)ghe/ werdinne was der vors(creven) he(n)rix va(n) oppeem en(de) sust(er) d(er) vorscr(even)/ katline(n) gemaect en(de) gelaten sijn Den selve(n) henricke va(n) oppeem/ d(aer) af volcomelic quijtscelden(de) geloven(de) hem d(aer) af ne(m)m(er)meer/ aentespreken te moeyen noch te vexe(re)n bij hen selve(n) noch/ bij nyeman(de) and(er)s in egeene(n) rechte gheestelic noch weerlic/ in egeend(er) manie(re)n m(aer) den selven henr(icke) d(aer) af tegen eene(n) ieg(eliken)/ recht war(ant) te sijne cor(am) opp(endorp) prijke(re) fer(ia) s(ecund)[a] p(ost) q(uas)i mo(do)