Cond zij alle(n) lieden dat claes moens en(de) jan va(n) raveschote hoemake(r)/ die nae den rechte der stat van loeven(e) comen en(de) geleit sijn tot alle(n) de(n)/ goede(n) have en(de) erve gheerds moens brueder des vors(creven) claes inden jare/ m iiii[c] lii opde(n) xiiii[te(n)] dach va(n) junio in jeg(ewordicheit) der scepen(en) van loven(e)/ gestaen hebbe(n) geloeft en(de) toegeseedt daneele frix en(de) katlijne(n) frix/ sijnd(er) docht(er) dat sij mette(n) selve(n) bekende t(er) manisse(n) des vors(creven) daneels/ vestich(eit) doen sulle(n) tot behoef d(er) vors(creven) katline(n) sijnd(er) docht(er) alse van/ hondert gul(den) peet(er)s d(er) mu(n)ten ons gened(ichs) h(ere)n ts(er)tog(en) va(n) bourg(oig)[ne(n)]/ en(de) va(n) braba(n)t eens wechdraghens o(m)me die selve hondert/ / gulden peet(er)s der selv(er) katline(n) te volghene voe(r) hue(r) duwarie in/ gevalle oft de vors(creven) gheert moens hue(r) toecome(n)de man aflivich/ worde sond(er) wettige gebuerte vand(er) selv(er) katline(n) acht(er) te laten/ en(de) desgelijx vestich(eit) te doene o(m)me der selv(er) katlinen te/ volghene ond(er)half hondert peet(er)s d(er) mu(n)ten vors(creven) in gevalle/ oft sij nae de doot vande(n) vors(creven) gheerde wettige gebuerte/ behouden(de) bleef In alle(n) desen dat vors(creven) is de vors(creven) claes en(de)/ jan ond(er)spreken(de) en(de) bevurwerde(n)de oft de vors(creven) gheert alsoe/ vele dade dat de vors(creven) katline sijn toecomen(de) wijff gegoet/ worde in enige(n) goede die de vors(creven) gheert in sine(n) weduwe(n)/ stoele vercreg(en) heeft oft noch voert vercrige(n) sal welke/ goede in hue(re)r werde(n) gedroge(n) gedroegen t(er) so(m)men van c peet(er)s/ huer te moegen volgene in gevalle oft de vors(creven) gheert/ sond(er) wettige gebuerte voe(r) der vors(creven) katline(n) aflivich worde/ oft gedroegen t(er) so(m)men van i(½)[c] peet(er)s in gevalle huer volgen(de)/ oft sij van hem wettige gebuerte bleef houden(e) dat in/ die(n) gevalle de vors(creven) katline content sal staen mett(er) guedi(n)ge(n)/ va(n) alsulke(n) goede(n) en(de) dat huer d(aer) mede voldaen sal sijn de/ bewisenisse van c peet(er)s oft van i(½)[c] peet(er)s elc nae sijn/(con)dicie vors(creven) en(de) dat de vors(creven) claes en(de) jan va(n) raveschote/ vande(n) vors(creven) gelufte(n) ongehoude(n) sulle(n) wesen Behoud(elijc) dat/ de vors(creven) bewisenisse en(de) guedinge der selv(er) katlinen in gevalle/ oft sij wettige gebuerte vanden vors(creven) gheerde nae de doot/ van hem behouden(de) bleeff dat huer en(de) der selv(er) dier hue(re)r/ gebuerten gheen p(re)judijs dragen en sulle(n) om gericht te/ sijne oft te deilen int surpl(us) vanden goeden v(er)cregen als voe(r)/ cor(am) abs(oloens) velde septe(m)br(is) xii