It(em) heeft begheert m(er)ten del velbriese vors(creven) dat den vors(creven)/ beleitbrieff mette(n) schoutbrieve onder scepen(en) van loeven(e)/ sal bliven liggen(de) tot behoef des selfs m(er)tens o(m)me den/ selve(n) cornelise talle(n) stonden als des van node sal wesen/ d(aer) mede te behulpen en(de) hem d(aer) mede alle bestenticheit/ van rechte in vordernissen des vors(creven) m(er)tens te doen en(de)/ late(n) geschien Behoud(elijck) nochta(n) die(n) datme(n) den selven/ m(er)tene beide de selve brieve op dat hijs begheert/ in sine(n) handen ov(er)geven sall tot sijnre manissen Consenteren(de)/ de selve m(er)ten oft hij aflivich worde en(de) hij de selve/ brieve niet gehaelt en hadde en(de) die ond(er) ons alsd(an)/ worde(n) bevonden datmen indien gevalle de selve brieve/ den vors(creven) cornelise in sijnen handen en(de) behelde sal laten/ volgen [ombelet va(n) yema(n)de] o(m)me d(aer) mede te voldoene en(de) te volbringene/ alsulken testament mekinge oft begeerte als de selve/ m(er)ten vanden selve(n) sine(n) goede(n) maken en(de) ordine(re)n sall/

sond(er) argelist alsd(oen) gemaect en(de) geordineert sal hebben/ sond(er) argelist cor(am) eisd(em)