Want ja(n)nes de ruyssche die ov(er)mids vo(n)nisse va(n) zeke(re)n/ scepene(n) brieve(n) van loeven(e) comen en(de) geleit is tot alle(n) de(n) goede(n)/ have en(de) erve jans wile(n) keyenoeghe en(de) peet(er)s keyenoege/ sijns soens opden dach van heden hadde doen bescrijven voe(r)/ meye(r) en(de) scepen(en) van loeven(e) inde banc ald(aer) den vors(creven) peet(ere)n/ keyenoeghe lodewijcke van ranst en(de) gielise opt hoff die/ hem ongebruyc deden aenden erfpacht h(ier) onder bescr(even) Te/

weten aen so(m)mighe vanden vors(creven) goeden Te weten aen/ iiii sacke(n) rox lijfpensien die de vors(creven) peet(er) ten live lijsbette(n)/ adelien sijnre stiefmoeder heeft en(de) houden(de) is aen en(de) op de/ goede h(ier) onder bescr(even) toebehoeren(de) lodewijcke va(n) ranst vors(creven)/ Inden iersten aen en(de) op i hoeve met alle(n) hue(re)n toebeh(oerten)/ met huysinghen hove(n) winnen(de) landen bosschen gelijc die/ geleg(en) sijn inde banc van groetloe aen sh(ere)n strate aen/ de drie zijden en(de) gielijs de groete en(de) wout(er) va(n) duerne(n)/ aende vierde zijde It(em) noch op i heybloc met eene(n) bossche/ d(aer) aen geleg(en) houden(de) i(½) paulo tussen willem raps/ goet aen deen zijde en(de) nychasi(us) hoelmans aen dand(er) zijde/ uitcomen(de) aen raps streetken It(em) noch op v stucke(n) lants/ dieme(n) heet de beemdeke(n)ne aen raps hoeve geleg(en)/ sh(ere)n strate aen ii zijden geleg(en) dieme(n) heet de rihage/ Ald(aer) de vors(creven) p(er)soene(n) niet comen en sijn den vors(creven) ja(n)nesse/ sinen dach verwachten(de) en(de) inde(n) rechte comparere(n)de soe/ hebben de h(ere)n scep(enen) van loeven(e) t(er) manissen smeyers gewijst/ voe(r) een vo(n)nisse datme(n) den vors(creven) ja(n)nesse vanden vors(creven)/ pachte houden sal in sine(n) beleide also v(er)re alst noch voe(r)/ hen comen is p(rese)nt(ibus) om(n)ib roel(ofs) borch(oven) lint(re) hortbeke/ meersb(er)ge ja(nua)[rii] ult(ima)