It(em) den vors(creven) schoutbrieff vande(n) ii[c] en(de) x croene(n) sal blive(n)/ liggende onder scepen(en) van loeven(en) tot behoef des vors(creven) arnts/ en(de) jans Te deser meyni(n)ghen oft de goede dierix en(de) anthonijs/ van langrode gebr(uederen) kind(ere)n wile(n) dierix va(n) langr(ode) inde/ p(ro)chien va(n) eversberghe en(de) va(n) meerbeke geleg(en) in winhove(n)/ winni(n)ge(n) husen hoven winnen(de) lande(n) beemde(n) eeusselle(n) bossche(n)/ wijng(ar)de(n) met hue(re)n toebeh(oerten) tot welke(n) goede(n) de vors(creven) arnt/ en(de) jan nae d(er) stat recht va(n) loeven(en) come(n) sijn en(de) geleit en(de) die/ hen nae den beleid(en) met vo(n)nisse(n) der scepen(en) va(n) loeven(en)/ aengewese(n) sijn in toecomen(de) tijde(n) gepraemt worde(n) uut/ ocsuyne van alsulke(n) x mudde(n) rox d(er) mate(n) va(n) loeven(en)/ erfs pachts alse henric va(n) winghe brueder des vorsc(reven)/ gorijs en(de) joffr(ouw) g(er)truyt va(n) langrode huysvrouwe des vors(creven)/ henrix oft yema(n)t and(er)s va(n) hue(re)n weghe(n) opde selve goede/ eissche(n) mochte(n) en(de) welke x mudde(n) rox dieric wijle(n) va(n)/ langrode vader der vors(creven) joffr(ouwe) g(er)truyde(n) en(de) dierix en(de) anthonijs/ vors(creven) den vors(creven) he(n)ricke mett(er) vors(creven) sijnre huysvrouwe(n) in/ huwelik(er) vurwerde(n) gegeve(n) oft bewijst mach hebbe(n) Dwelc
//
oft so gebuerde so soude(n) hen de selve arnt en(de) ja(n) ende/ anders niet mette(n) selve(n) schoutbr(ief) mogen behulpe(n) opden/ vors(creven) gorise en(de) sijne(n) goede o(m)me de vors(creven) so(m)me gelts va(n)/ ii[c] croene(n) en(de) x te v(er)hale(n) en(de) te v(er)reike(n) sonder argelist/ tott(er) ontlastingen en(de) lossinghe(n) der x mudde(n) rox vorsc(reven)/ Behoud(elic) in dese(n) dat so wa(n)neer de vors(creven) gorijs so vele/ gedaen sal hebbe(n) dat den selve(n) aerde en(de) ja(n)ne vanden/ selve(n) erfpachte der x mudde(n) rox vors(creven) hue(r) behoirlike/ behoefte(n) va(n) guedi(n)ge(n) met gelufte(n) va(n) genoechdoene te gelove(n)/ gedaen en(de) vel volgesciet sijn sulle(n) datme(n) dan den vors(creven)/ schoutbrief anichele(re)n sal en(de) te nyeute doen cor(am) eisd(em)