It(em) t(er) meerd(er) vestich(eit) den vors(creven) berth(elmeeuse) en(de) thomase tot hue(re)n/ scepen(en) brieve(n) te doene Soe sijn bij hande(n) boudewijns zoete/ vorst(er)s te loeven(e) gesedt in handen jans madea na(tur)lec sone mychiels/ wile(n) madea tot behoef berthelmeeus vors(creven) biden vors(creven) h(ere)n/ clase de juweele(n) h(ier) nae bescr(even) Inden iersten eene(n) guldenen hals/ bant wegen(de) ix(½) onssen It(em) eene gul(dene) ketene wegende iiii(½) / onssen en(de) iiii(½) yngelss(chen) It(em) i gordel wegen(de) v onssen It(em) noch/ i guld(en) halsbant met eene(n) hecsele wegen(de) ii onssen v yngelss(chen)/ Tot dien eynde gebuerdet de(n) selve(n) berth(elmeeuse) in toecomen(de) tijden/ inder betalinge(n) vande(n) vors(creven) lijfrente(n) oft bewisenisse d(er) selver/ enich gebrec te hebben(e) so sal hij oft yema(n)t and(er)s va(n) sine(n) wege(n)/ trecht hebben(de) moge(n) sijn gebrec aende vors(creven) juwele(n) verhalen/ en(de) die te(n) prise va(n) goudsmede(n) oft juwelie(re)n hen des v(er)staende/ v(er)coepen En(de) oft d(aer) ov(er) sijn gebrec iet ov(er)scoete dat soude/ hij den vors(creven) h(ere)n clase wed(er)kee(re)n en(de) oft d(aer) gebreke soude hij/ mette(n) vors(creven) scepen(en) br(ieve) moge(n) v(er)hale(n) Behoud(elic) dat hij sal moge(n)/ p(ro)cede(re)n met eene(n) vande(n) tween d(aer) hem dat best gelieve(n) sall/ En(de) oft de selve berth(elmeeus) and(er)ssins va(n) sijnre lijftochte(n) dan met/ v(er)coepene der vorg(eruerde) juwele(n) volcomelic v(er)nueght worde Soe/ heeft de vors(creven) ja(n) madea nat(ur)lic geloeft den vors(creven) h(ere)n clase/ de vors(creven) juwele(n) inden vors(creven) gewichte wed(er)om te leve(re)n hem hier/ tot loven(e) comen(de) en(de) dat bege(re)nde cor(am) eisd(em)