Cond zij allen lieden dat gheerd ymbrechts gehete(n) guedens woenende nu t(er)tijt/ tassent inde prochie van campenhout sone wijlen gheerts in p(rese)nc(ia) heeft/ genome(n) en(de) bekind dat hij genome(n) heeft van jacoppen van ravesvoert/ ter helichtwynni(n)ghe dwinhoff des selfs jacops gehete(n) delbroexhoff/ geleghe(n) te wespelair hulst en(de) d(aer)omtrint metten huysen hove(n) d(aer)toe/ behoirende en(de) met alle(n) den lande alsoe verre dat den voirs(creven) jacoppe(n)/ te wespelair en(de) d(aer)omtrint toebehoirende is in desen uutgescheide(n)/ een huys met alle(n) sijne(n) toebehoirte(n) bynne(n) den voirs(creven) hove staende op/ dinde vand(er) zalen neve(n) den boegaert ald(aer) It(em) noch uutgescheide(n) tdoffhuys/ It(em) noch uutgescheide(n) den boegaert dat dblock plach te sijne staende/ voer de poerte vande(n) voirscr(even) hove In welke goede de voirscr(even) gheerd/ egheen bewint hebben en sall uutgescheide(n) dat de voirscr(even) gheerd sijne(n)/ bijvanck en(de) bewint hebbe(n) en(de) behoude(n) sall met sijne(n) calve(re)n sijne(n) t(er)mijn/ due(re)nde inde(n) voirscr(even) boegaert d(aer) inne o(m)me die d(aer)inne te laten gane/ en(de) te weyden t(er) minst(er) schade(n) vande(n) boeme(n) ald(aer) staende Te houde(n)/ te hebben en(de) te wynne(n) van halff m(er)the naestcomende eenen t(er)mijn/ van xii ja(re)n lanck deen nae dand(er) stappans sond(er) middel volghende/ elx jaers dae(re)n bynne(n) o(m)me en(de) vore de helicht vande(n) vruchten opde/ selve wynnende lande jairlijx wassende Op alsulken vueghe ende/(con)dicie dat de voirscr(even) wynne de voirscr(even) wynnende lande den voirs(creven)/ jacoppe(n) toebehoirende den voirs(creven) t(er)mijn due(re)nde wel en(de) loflijc wynne(n)/ drijven en(de) mesten sall gelijc regenoete(n) boven en(de) benede(n) ende alle de/ selve goede laten ten afscheide(n) van sijne(n) t(er)mijne gelijc hij die vant te/ sijne(n) aencomen Item ten oeghste alst tvoirs(creven) coren te weten beyde wint(er)coren/ en(de) som(er)coren tijtverdich sal sijn soe sall dat de voirscr(even) wynne op sijne(n) cost/ ter eerden legghen ende dat desgelijx oic op sijne(n) cost inden bant leve(re)n/ en(de) dat sal de voirs(creven) wynne en(de) jacop opt velt halff en(de) halff deylen/ en(de) dat alsoe gedeylt sijnde te weten elc stucke bezundert soe sal de dat de/ wynne op sijne(n) cost van elken stuck desselfs jacops gedeylte indes/ selfs jacops schue(r) ald(aer) geleghe(n) vue(re)n ende dan voert de selve wynne/ van elken stucke tsijne ende h(ier)aff en sall de voirscr(even) jacop egheene(n)/ last hebben dan alsmen tselve coren opde velde deylen sall dat dan
//
de selve jacop ald(aer) sinde(n) sall eene(n) bode van sijne(n) weghe(n) o(m)me de bande te/ slane ende des voirscr(even) jacops gedeelte taenveerde(n) en(de) dat te bewaerne/ tot dat dat inde schue(r) ald(aer) wesen sall welken bode de selve wynne/ den montcost geve(n) sall dien tijt due(re)nde ende sal de selve wynne/ op sijne(n) cost jairlijx den voirscr(even) t(er)mijn due(re)nde des voirscr(even) jacops/ helicht wynni(n)ghe hem te loeven leve(re)n Behoudelijke(n) zoe wa(n)neer de/ voirscr(even) jacop sijne(n) dersche(r) o(m)me sijn helicht te doen dersschen(e) sinde(n) sal/ dat dan de voirs(creven) wynne ongehoude(n) sal sijn vande(n) montcost des/ voirscr(even) den dersschers te gheven(e) It(em) is noch voirw(er)de dat allet/ doeft wassende opde voirscr(even) goede als dat tijtverdich sijn sall/ dat de voirscr(even) jacop en(de) de wynne dat ter eerde(n) sulle(n) doen doen/ vande(n) welken sij te gelijke de dachue(re)n betalen sulle(n) ende de wynne/ sal den lesers die dat lesen sullen hue(re)n montcost gheve(n) sond(er) des voirs(creven)/ jacops last welck oeft de voirscr(even) jacop en(de) de wynne halff en(de) halff/ deylen sulle(n) ende de voirscr(even) wynne sal des voirscr(even) jacops gedeylte/ jairlijx hem te loeven(e) tot sijne(n) huyse leve(re)n It(em) sal de voirscr(even) wynne/ de huysinghe vande(n) voirscr(even) goeden op sijne(n) cost houde(n) wel ende/ loflijc sijne(n) tijt due(re)nde vand(er) ond(er)ster rijkelen ned(er)weert It(em) sal de/ voirscr(even) wynne gehouden sijn de voirscr(even) t(er)mijn due(re)nde jairlijx te/ leve(re)n uute(n) voirscr(even) hove xxxvi busselen walmen te weten thien/ inde bussele te leve(re)n o(m)me de voirscr(even) huysinghe mede te houden/ en(de) te decken en(de) alsme(n) dien ald(aer) verdect dan sall jacop de dachue(re)n/ betalen ende de wynne sall den werckliede(n) den montcost gheve(n)/ ende alsd(an) sall de voirs(creven) wynne opde voirscr(even) goede moeten halen/ teenen en(de) dackroede(n) alsoe vele alsmen dier behoeve(n) sall ende/ desgelijx den leem opten leemputte dieme(n) aent voirscr(even) hoff verbesighe(n)/ sall It(em) en sal de voirscr(even) wynne egheen bewint hebben int hout/ staende opde(n) beempt oft omtrint den beempde geheten den troch/ geleghe(n) in wespelairbroeck noch oic in egheene(n) elsenen houte/ vande(n) voirscr(even) goede(n) It(em) sal de voirscr(even) wynne hebben ende/ alleene te hemweerts behoude(n) alle trunckhout vanden voirscr(even)
//
goeden uutgenome(n) vande(n) boegarde voirscr(even) en(de) opgaende eyken sonder den/

voirscr(even) jacoppe(n) d(aer) inne iet gericht te sijne Item is voirw(er)de dat de/ voirscr(even) wynne bynne(n) den voirscr(even) drie ierste ja(re)n elcx jairs/ met sijne(n) waghe(n) en(de) p(er)den te weten(e) met v p(er)den inde(n) waghe(n)/ sal moeten halen en(de) leve(re)n den voirscr(even) jacoppe(n) int voirscr(even) hoff/ thien voed(er) mergels op sijne(n) cost ende dies sall de voirscr(even) jacop/ gehoude(n) sijn desgelijx te leve(re)n den voirs(creven) wynne inde(n) voirscr(even)/ hove de voirg(eruerde) drie ierste ja(re)n elcx jairs viii schat voed(er)mest/ en(de) dat sal de voirscr(even) wynne te samen vue(re)n opt voirscr(even) lant/ tslants meesten p(ro)fijte ende alsdan voerts sal de voirscr(even) wynne/ gehouden sijn sijne(n) t(er)mijn due(re)nde jairlijx te leve(re)n int voirscr(even) hoff/ acht voed(er) mergels elc voed(er) met iii p(er)den en(de) dien desgelijx vue(re)n/ opt voirscr(even) lant des voirscr(even) jacops tslants meesten profijte/ Ende ofts de voirscr(even) wynne des jaers meer vuerde opt voirs(creven)/ lant dan voirs(creven) is daer aff sal hem de voirscr(even) jacop voir elc/ voed(er) betalen en(de) te baten comen ii stuv(er)s en(de) niet meer It(em) is/ noch voirw(er)de oftme(n) e(n)nich mest buyte(n) moeste coepe(n) en(de) dies van / noede gebuerde dat sall de voirs(creven) jacop en(de) de wynne te/ gelijke [coepen] en(de) halff en(de) halff betalen It(em) desgel sal noch de/ voirs(creven) wynne jairlijx sijne(n) t(er)mijn due(re)nde de weeghe ende/ de waterleyden vande(n) voirscr(even) goede(n) op sijne(n) cost ten behoirlijke(n)/ tijde(n) houde(n) en(de) ruyme(n) alsoe dat de(n) voirs(creven) jacoppe(n) d(aer)aff egheen/ schade comen noch geschiede(n) en sall o(m)me welke weghe(n) mede te/ vermaken sal de voirscr(even) wynne gehoude(n) sijn op de voirs(creven) goede/ nemen en(de) afhouwen ter minst(er) schade(n) alsoe vele trunckhouts als/ d(aer)toe behoeve(n) sall Kinnende ende lijende voert de selve wynne/ alnoch vande(n) voirs(creven) jacoppe(n) genome(n) te hebben de beempde bossche/ en(de) eeussele(n) h(ier)nae bescreve(n) Inde(n) iersten den groeten bossch gehete(n)/ de v boend(er) min xvi roede(n) tieldonckscher maten It(em) den beempt/ gehete(n) den troch voirscr(even) soe hij beleghe(n) is int wespelair broeck/ It(em) een eeussel geheete(n) den leemcuyl aende crayeneycke Item den
//
nuwe(n)bosch geheten den varent Te houde(n) [en(de)] te hebben oic van halff m(er)the/ naestcomende eene(n) t(er)mijn van xii ja(re)n lanck due(re)nde deen nae/ dand(er) stappans sond(er) middel volghende elcx jaers hie(re)n bynne(n) vore/ en(de) o(m)me seventhien schilde d(er) mu(n)ten ph(ilip)s van bourg(oign)[en] en(de) van/ brabant te xiiii stuv(er)s stuck alle jare te sinxenen te betalen/ den voirscr(even) jacoppe(n) den voirscr(even) t(er)mijn due(re)nde en(de) telken/ t(er)mijne als v(er)volghde schout d(aer)aff dierste betalinghe inne gaen/ sall van sinxene(n) naestcomen(de) ov(er) een jair en(de) niet eer It(em) is/ noch bevoirwert en(de) tusschen den voirs(creven) jacoppe(n) en(de) den/ wynne ond(er)sproken dat sij van malcand(ere)n moeghe(n) scheide(n)/ talle vi ja(re)n behoudelijken dat de ghene die alsoe scheide(n)/ wilt dat den and(ere)n een halff jair te voe(re)n cundighen sall/ Ende alle dese voirw(er)de(n) gelufte(n) en(de) (con)dicien bove(n) gescr(even) hebbe(n)/ geloeft de voirscr(even) p(ar)tijen vast gestentich en(de) onv(er)brekelic te/ houden en(de) te voldoene talle(n) tijde(n) en(de) t(er)mijne(n) als die valle(n)/ en(de) v(er)schijnen sulle(n) en(de) telken t(er)mijne als v(er)volghde schout/ cor(am) lint(re) meersberghe dec(embris) xxii