Item de voirscr(even) willem cleynaerts de jonghe heeft geconsenteert/ en(de) ov(er)gegeve(n) dat de voirscr(even) meest(er) peeter die naede(n) rechte d(er) stad/ van loeven(e) geleyd is totte(n) goede(n) des selfs willems des jonghe(n) staende/ int boeck van xlviii xxvi daghe in meye hem metten selven
//
beleyde sal moghe(n) behulpe(n) met alle vorderinghe van rechte o(m)me hem/ voldaen te wordde(n) dinhout vande(n) voirs(creven) brieven met coste en(de) co(m)me(r)/ en(de) scade(n) van rechte die d(aer) op loepe(n) mochte(n) niet wed(er)staende dien dat/ de selve meest(er) peeter nae innehout d(er) vurw(er)de(n) staende bijde(n) voirs(creven)/ beleyde inde(n) boeke xlviii voirs(creven) hem alleene behulpe(n) soude moeghe(n)/ o(m)me de possessie te hebben en(de) te houde(n) van eene(n) beempde geleghen/ te werchte(r) houdende (½) boend(er) gelijc de selve (con)dicie dat claerlijker/ uutwijsen en(de) begrijpe(n) ende den selve(n) meest(er) pet(ere)n die voirscr(even) vurw(er)de(n)/ voldaen sijnde en(de) hem vande(n) voirscr(even) brieve vernueght sijnde salme(n)/ tvoirs(creven) beleydt mette(n) schoutbrieve de(n) voirs(creven) wille(m)me laten volghe(n) en(de)/ niet eer en(de) tot dier meyni(n)ghe(n) sulle(n) de selve schoutbrieve metten/ beleydbrieve ond(er) scepen(en) blijve(n) ligghende o(m)me des voirscr(even) is d(aer)mede/ te moghe(n) voldaen te wordde(n) cor(am) eisd(em)