It(em) jan van bullestrate(n) wonen(de) te wespelair inde(n) name en(de) van/ weghe(n) jacops va(n) bullestrate(n) sijns soens in p(rese)nc(ia) heeft geloeft/ henricke(n) vande(n) borchove(n) sone wout(er)s vande(n) borchove(n) en(de) he(n)ricke va(n)de(n)/[hoce gehete(n)] gheermans [en(de) ja(n)ne gheermans] en(de) elke(n) va(n) hen besundert en(de) huer goede tot ewigen/ dagen scadeloes en(de) costeloes te houde(n) en(de) tontheffen va(n) alsulke(n)/ ii rid(er)s lijfpensie(n) die de vors(creven) jacop als p(ri)ncipael mette(n) vors(creven)/ drie p(er)soene(n) als sijne(n) borghe(n) jarlix sculdich sijn [es] met scep(enen) brieve(n)/ va(n) loeven(e) te(n) live vrouwe karlijne(n) va(n) quaderebbe mede ge/ selli(n)ne des vor h(ere)n symoens py(n)nox ridd(er)s en(de) ernouds sone/ amelrijx py(n)nox en(de) te(n) live va(n) hen beide(n) lanxt leve(n)de En(de)/ de selve lijfpensie met alle(n) acht(er)stelle te quite(n) en(de) af te legge(n)/ tussce(n) dit en(de) uutganc d(er) mae(n)t va(n) meye naestcomen(de) en(de) de/ selve lijfpe(n)sie hie(re)n bi(n)ne(n) te betale(n) alsoe dat de selve p(er)soene(n)/ en(de) huer goede d(aer) af ongepraemt sijn sulle(n) en(de) blive(n) En(de) oft/ hijs niet en dade en(de) de selve p(er)soene(n) oft enich van hen d(aer)o(m)me/ cost oft scade lede die coste(n) en(de) scade heeft de selve ja(n) hen/ geloeft wed(er)om te betale(n) hoedanich sij wae(re)n sond(er) argelist/ Geloven(de) voert de selve ja(n) va(n) bullestrate(n) den vors(creven) p(er)soene/ a(ut) alt(e)ri dat hij bi(n)ne(n) viii d(aegen) naestcomen(de) ond(er) scep(enen) va(n) loeven(e)/ bringe(n) sal alsulke(n) beleid brief va(n) bruessel die hij ja(n)ne oede(n)/ bekint heeft en(de) die(n) ald(aer) te blive(n) tott(er) tijt toe hij de(n) selve(n)/ p(er)soene(n) de vors(creven) gelufte(n) voldae(n) sal hebbe(n) sond(er) de(n) selve(n) ja(n)ne va(n)/ bullest(ra)te(n) oft den selve(n) beleidde(n) d(aer) mede dae(re)n bi(n)ne(n) enich behulp/ te late(n) geschie(n) Geloven(de) voert de selve ja(n) va(n) bullest(ra)te(n) den/ selve(n) p(er)soene(n) a(ut) alt(e)ri dat hij in toecomen(de) tijde(n) nyema(n)de egeen brieve/ va(n) beleide make(n) noch beke(n)ne(n) [en sal] tot negene(n) plaetse(n) die den selve(n)/ p(er)soene(n) aen huer vors(creven) vurw(er)d(en) en(de) gelufte(n) enich hind(er) sijn sulle(n) lintre/ meersberghe febr(uarii) vii[a]