Item niet wederstaende der vors(creven) gued(enisse) so heeft de vors(creven) henric/ tangisaert geloeft en(de) toegeseedt den vorg(enoemde) janne masaleyne/ en(de) marie(n) sijnre vors(creven) huysvrouwe(n) in gevalle oft sij die nu van/ malcande(re)n versceiden sitten in toecomen(den) tijden met malcande(re)n/ wed(er)o(m)me v(er)samende(n) en(de) te gade(r) als man en(de) wijf leefden en(de) elc/ den ande(re)n nae huwelicken staet tracteerden dat de selve henric/ alle sijn recht actie en(de) int(er)est dat hij inde vors(creven) ii mudden corens/ heeft hen opdracht ende gifte aff doen sall dair dat behoert/ op huerliede cost so wanneer de selve henrick biden vors(creven) janne/ en(de) marien bij hueren eendrechtigen en(de) sameliken v(er)sueck d(air)/ toe v(er)maent sall worden Behoudelic dat de selve gehuyssche(n)/ hem als dan ontheffen en(de) ontlasten sulle(n) van alle(n) costen scade(n)/ en(de) int(er)est die hij vand(er) geluften va(n) waerscape die hij vande(n)/ vors(creven) goede(n) gedaen heeft gehadt en(de) geleden sall hebben en(de) hem/ voert de selve gelufte va(n) genoechdoene en(de) waerscape afneme(n)/ alsoe dat hij d(aer)aff tewigen dagen ombelast sall blive(n) cor(am)/ eisd(em)