It(em) desen leste(n) brief biden vors(creven) iii p(er)soenen bekint sijnde/ sal bliven liggende onder scepen(en) van loeven(en) tot des(er) meyni(n)ge(n)/ oft de vors(creven) h(er) willem in toecomen(de) tijde(n) enich gebrec inder/ vors(creven) guedinge(n) bevonde het wae(re) inde gelufte van waran/ deerscape oft genoechdoene oft and(er)ssins oft dat de selve/ boven alle co(m)mer d(aer) voe(r) uutgaen(de) niet en werden bevo(n)de(n)/ weert sijnde ii erfrijd(er)s dat hem dan de selve h(er) wille(m)/ mette(n) selve(n) brieve behulpen sall o(m)me hem d(aer) af genoech/ gedaen te worden en(de) de(n) selve(n) p(er)soene(n) totte(n) voldoene va(n)/ dien te bedwingen en(de) alsd(an) den vors(creven) rijd(er) erflic op ande(r)/ pande binne(n) d(er) ba(n)mile(n) va(n) loeven(en) geleg(en) bove(n) alle co(m)m(er)/ d(aer) voe(r) uutgaen(de) weert sijnde ii rijd(er)s erflic te v(er)panden tot/ alle(n) coste en(de) laste des vors(creven) vad(er)s en(de) sijnre kind(ere)n Behoud(elic)/ oft de selve h(er) wille(m) h(ier) o(m)me enigen cost geleden hadde/ dien mette(n) selve(n) br(ief) te v(er)reiken sond(er) argelist cor(am) eisd(em)