It(em) katline(n) svleeschouwers weduwe gielis wile(n) ennekens/ in deen zijde en(de) henric hose zeeghere in dande(r) zijde sijn/ met malcande(re)n ov(er)comen en(de) eens woirden voir hen hue(re)n erven/ en(de) naecoemelinghe(n) de erfvurwerden en(de) (con)dicien h(ier) nae bescr(even)/ alse van hue(re)r beider huysinghen deen aen dander gelegen in/ hekelsbogaert tusschen de goede henrix de vos linewevere/ in deen zijde en(de) de goede der vors(creven) katline(n) svleeschouwers in/ dander zijde welke vors(creven) goede der vorg(enoemde) katline(n) toebe/ hoerende de selve katline in hue(re)n weduwe(n) stoele v(er)crege(n)/ heeft Te weten dat gevelwant vanden huyse d(er) vors(creven)/ katline(n) t(er) vlemi(n)cstrate(n) wert dair tselve huer huys inne/ geti(m)mert is ende d(aer) thuys des vors(creven) henrix met eene(n) ydele(n)/ gebinde aencompt den selve(n) henricke en(de) sijne(n) vors(creven) goede(n)/ erflic toebehoe(re)n sal ende bliven Welke ghevelwant de/ selve henric tot sinen coste en(de) laste tot ewige(n) dagen in/ goeden state [van nu voertae(n)] houden sall behoudelic dat de ti(m)meri(n)ge/ vanden huse der vorg(enoemde) katline(n) inde selve want sal blive(n)/ gevesticht en(de) geti(m)mert in sulken(n) state soe die nu steet .m(air)/ oft de selve katline tvors(creven) huer huys v(er)gaen let liet oft ver/ vallen dat dan de selve henric de vors(creven) ghevelwant/ los en(de) vrij behouden sal sond(er) dat de selve katline oft/ huer naec(omelingen) tselve huer huys inde selve ghevelwant wed(er)/ om sullen moegen tymme(re)n Welke vurwerde(n) en(de) (con)dicien/ boven bescr(even) hebben de vors(creven) p(art)tien tot ewige(n) dage(n)/ elc den ande(re)n geloeft vast gestedich en(de) omv(er)brekelic te houden/ en(de) deen den and(re)n d(aer) af altoes genoech te doene alsoe/ dat dat elke(n) van hen voir hue(re)n erfg(enamen) en(de) naec(omelingen) vast/ en(de) genoech sijn moege cor(am) hortbeke meersberge sept(embris) ult(ima)