Item want peeter m(ar)colf geheten neesen die nae den rechte/ der stad van loeven(en) comen en(de) gheleidt is tot allen de(n) goede(n)/ have en(de) erve henrix noeel te zecke(re)n daghe tot [opden dach van] heden/ hadde doen dach doen voir meye(r) en(de) scepen(en) van loeven(en)/ inde banc aldair jacoppe van revesvoert die hem onge/ bruyc dede aen alle de goede beide have en(de) erve/ vors(creven) aldair de selve jacop niet comen en es den selve(n)/ peet(ere)n inden rechte comparerende m(er) trecht van sine(n) vors(creven)/ scepen(en) br(ieve) v(er)sueken(de) Soe hebben de he(re)n scepen(en) van lov(en)/ t(er) manissen smeyers gewijst voir een vonnisse wair/ de vors(creven) jacop niet en compt ten opstane smeyers en(de)/ der scepen(en) dat men den selven peet(ere)n vanden vors(creven)/ goeden houden sall in sinen beleide alsoe verre/ alst noch voir hen comen es cor(am) eisd(em)