It(em) peet(er) keyenoeghe sone jans wilen keyenoeghe in p(rese)ncie(n)/ der scepenen van loeven(en) gestaen heeft oppenbarlic gekint/ en(de) gelijt voir hem sijne(n) oire(n) erve(n) en(de) naecomelinghe(n) dat/ hem bij janne en(de) joffrouwe marie(n) vander brugghen kinde(re)/ jans wile(n) vander brugghe(n) volcomelic en(de) al v(er)nueght en(de)/ voldaen is van alle alsulke(n) rechte actie int(er)est en(de) aensp(ra)ke/ als hem gebuert [is] toebehoirt [oft enichsins] gebue(re)n oft toebehoe(re)n mochte/in enig(er) manie(re)n inde goede die bleve(n) oft v(er)schene(n) sijn/ nae de doot henrix wile(n) de juede oud(er) vad(er) des selfs/ peet(er)s en(de) jans wile(n) vand(er) bruggen vad(er)s jans en(de) joffr(ouwe)/ marie(n) vors(creven) En(de) welke goede g(er)truyt wile(n) sjueden docht(er)/ des vors(creven) wile(n) henrix sjueden weduwe jans wile(n) vand(er)/ brugghe(n) beckers met ja(n)ne en(de) m(ar)griete(n) hue(re)n kind(ere)n gepos/ sesseert en(de) besete(n) hebbe(n) [heeft] en(de) die de vors(creven) kinde(re) te weten
//
jan en(de) joffr(ouwe) marie alnoch opden dach va(n) hede(n) possessere(n)/ hantplichten oft gebruyken het sij dat die sijn leengoede/ chijsgoede eygengoede oft ande(r) van welker nature(n) die sijn/ mochten Gelovende d(aer) o(m)me voir hem sine(n) oire(n) erve(n) en(de)/ naec(omelingen) den vors(creven) ja(n)ne en(de) joffr(ouwe) marie(n) vand(er) brugghe(n) hue(re)n erfg(enaemen)/ en(de) naec(omelingen) t(er) manisse(n) van hen aut alt(er)i(us) te come(n) voe(r) alle en(de)/elken hee(re)n en(de) hove(n) d(ae)r af me(n) die vorg(eruerde) goede houden(de) sijn/ mach oft d(aer) af die vors(creven) goede r(e)sortere(n) mogen en(de) ald(aer) in/ behoerlik(er) en(de) behoeflik(er) manie(re)n opdragen en(de) verthie(n) tot/ behoef jans en(de) joffr(ouwe) marie(n) vors(creven) allet recht actie en(de)/ int(er)est en(de) aensprake die hem inde vors(creven) goede enichsins/ gebuere(n) [en(de)] toebehoe(re)n [oft in enig(er) manie(re)n] gebue(re)n oft toebehoe(re)n mochte(n) in enigher/

manie(re)n En(de) d(aer) [af] alt(oes) gelove(n) genoech te doene alsoe dat/ dat den vors(creven) ja(n)ne en(de) joffr(ouwe) marien vast en(de) zek(er) sal moge(n)/ wesen tot ewigen daghen cor(am) jasp(ar) abs(oloens) hortbeke oct(obris)/ xxix