It(em) niet tege(n)staende dien dat den valdach vande(n) vorscr(even)/ gelde ierst es [sijn sal] te paessche(n) naestcomen(de) Soe heeft nochtan/ de selve jan hanssens geloeft bi(n)ne(n) dese(n) middele(n) tijde te(n) v(er)sueke/ des selfs denijs oft and(ere)n va(n) sine(n) weghe(n) te leve(re)n also vele/ schoen als de selve denijs oft ande(re) die beheet va(n) hem d(aer)/ toe sulle(n) moge(n) hebbe(n) binne(n) de(n) selve(n) middele(n) tijde slite(n) sulle(n)/ moge(n) sond(er) argelist cor(am) eisd(em)