It(em) symoen vande(n) velde va(n) rotselair sone willems vande(n) velde/ heeft gekint dat hij v(er)cocht heeft janne vand(er) heide(n) bruede(r) den/ how va(n) eene(n) stuck [boschs] geleg(en) opde lyeminxbeke int bossch va(n)/ rode acht(er) kesselle te weten dov(er)ste stucke den selve(n) symone/ en(de) sine(n) wive ald(aer) toebehoeren(de) voe(r) de su(m)me van vii(½) gul(den) peet(er)s/ d(er) mu(n)te(n) ons gened(ichs) h(ere)n ts(her)toge(n) die de vors(creven) symoen bekint heeft/ vande(n) vorg(enoemde) ja(n)ne ontfange(n) te hebbe(n) de(n) selve(n) ja(n)ne d(aer) af/ quijtscelden(de) Opde (con)dicie(n) h(ier) onder bescr(even) te wete(n) inde(n) ierste(n)/ oft tvors(creven) stuc boschs int meten min worde behor [be]vonde(n) houden(de)/ dan (½) boend(er) dat dat de vors(creven) symoen den vors(creven) ja(n)ne van aende/ vors(creven) so(m)me gelts en(de) vii(½) peet(er)s wed(er)kee(re)n en(de) restitue(re)n sal nae/ avena(n)t En(de) oft meer wae(re) so sal dat ja(n) hem voert betale(n) oec/ nae avena(n)t Geloven(de) de vors(creven) symoen de(n) vors(creven) ja(n)ne vandes/ vors(creven) is tege(n) eene(n) iegelike(n) recht war(ant) te sijne en(de) hem d(aer) af/ alt(ijt) genoech te doene cor(am) eisd(em)