It(em) h(er) wout(er) van thryere [thriere] p(er)soen der kerken van kyesekem/ in jeg(enwordicheit) der scepen(en) van loeven(en) gestaen heeft gegeve(n)/ ende bekint dat hij gegeven heeft janne cleynvranx/ zoen yweyns wilen cleynvranx de goede des voirs(creven)/ p(er)soenaetscaps in huysen hove(n) wynnen(de) landen beemden/ eeuselen bosschen thienden chijse erfpachten en(de) ande(re)n/ hoe(re)n toebehoirten en(de) met allen rechten profijten en(de)/ vervallen den p(er)soen aldair toebehoe(re)nde Te houden te/ hebben en(de) te boe(re)n van s(in)[te] jansmisse bap(tis)[ten] naestcomen(de)/ eene(n) t(er)mijn van twelf jae(re)n lang deen nae dand(er)/ sonder middel volgen(de) elcx jaers dae(re)n bynne(n) voir/ en(de) om xl peet(er)s te xviii stuv(er)s elke(n) peet(er) gerekent/ half tons(er) liever vrouwen dage lichtmisse en(de) half/ s(in)[te] jansmisse p bap(tis)[ten] te betalen den voirs(creven) h(er) woute(re)n/ alle jae(re) den voirs(creven) t(er)mijn due(re)nde en(de) telken t(er)mijne/ als vervolghde schout Voirts soe sal de voirs(creven) jan inder/ voirs(creven) kercken setten en(de) houden op sijne(n) last eene(n) prieste(r)/ en(de) eene(n) coste(r) en(de) de selve kercke bij hen doen bedienen/
//
alsoe dair toe behoirt Ende de huysende vande(n) voirs(creven)/ goede(n) sal de voirs(creven) jan houden op sijne(n) last van ouden/ wercke wel ende loflick den voirs(creven) t(er)mijn due(re)nde/ mair oft dair yet behoefde van nuwen wercke dat/ sal de voirs(creven) h(er) wouter doen maken op sijne(n) last/ en(de) dair af sal de voirs(creven) jan ongehouden sijn en(de)/ desgelijx sal hij ongehoude(n) sijn van aen de voirs(creven)/ kercke yet te doen maken het wae(re) van deckene/ oft anders Voert sal de voirs(creven) jan betalen sond(er) afslach/ vande(n) voirs(creven) gelde alle chijs ende co(m)mer uuten voirs(creven)/ goeden gaende en(de) hij sal den [de] landen den voirs(creven) goede/ toebehoe(re)nde wel en(de) loflick wynne(n) en(de) werven ten/ mynsten gelijck reegenoeten boven ende beneden/ ende die laten gelijc hij die aenveerdt heeft Voert/ es ondersproken en(de) vorweerde tusschen den voirs(creven) h(er)/ woute(re)n ende janne dat sij van malcande(re)n ten eynde/ vande(n) yersten sess jae(re)n sulle(n) mogen scheiden op dat / hen oft den eene(n) van hen gelieft Ende want de/ voirs(creven) jan tdoffuys den voirs(creven) goeden toebehoe(re)nde/ wael gespijst heeft soe es voirw(er)de dat de voirs(creven)/ h(er) wouter den selven janne dair voe(r) ten afsceide(n)/ van sijne(n) t(er)mijne afslaen sal de so(m)me van iiii/ rijders eens in afslage van sijne(n) voirs(creven) pachte Ende/ alle dese vurwerde(n) punte(n) en(de) (con)dicien boven bescr(even) hebben/ geloeft de vors(creven) [h(er)] wout(er) ende jan malcande(re)n vast [en(de)] gestentich te/ houde(n) talle(n) tijden en(de) t(er)mijne(n) als die valle(n) en(de) verschinen/ sulle(n) en(de) telke(n) t(er)mijne als v(er)volghde schout cor(am) lintre/ meersberghe no(vem)[br(is)] xx