It(em) jan de weert wonen(de) te velthem en(de) goert vande(n) hove oec/ wonen(de) te velthe(m) in p(rese)nc(ia) hebbe(n) gehuert en(de) bekint dat sij gehuert/ hebbe(n) tegen arnde boxhore(n) na(tur)lec een scep met sijne(n) toebehoerte(n)/ den selve(n) aerde toebehoren(de) Te houde(n) te hebbe(n) en(de) te gebruyke(n)/ van opden dach van hede(n) een jair lang due(re)nde te wete(n) opder/ dile(n) tussche(n) der stat van loeven(en) en(de) sinte aenghten rode o(m)me d(aer) mede/ op en(de) neder te vare(n) en(de) tselve schep int nedervae(re)n te ladene/ met houte met steene(n) oft met sulk(er) wae(re)n als hen dat gelieve(n)/ sal en(de) van elk(er) vaert die sij van bove(n) ned(er)wert gelade(n) sijnde/ doen sulle(n) het sij dat sij dat ontlade(n) te hev(er)le binne(n) loeven(en)/ oft in middele(n) plaetse(n) d(aer) voe(r) te geve(n) en(de) te betale(n) den selve(n) arnde/ v stuv(er)s alsoe dicke dat gebue(re)n sal en(de) tot elke(n) t(er)mijne als/ vervolghde schout Behoudelic in desen dat de vors(creven) aert tvors(creven) scep/ sal moge(n) gebruyke(n) en(de) besege(n) en(de) orbe(re)n wa(n)neer hem dat gelieve(n)/ sal in sake(n) alleene sijne(n) p(er)soen en(de) sine(n) orber aengaen(de) m(aer) so/ wa(n)neer de selve arnt dat sal wille(n) gebruyke(n) dat hijt den/ selve(n) p(er)soene(n) ii dage d(aer) te voe(re)n condige(n) sall en(de) alsd(an) sulle(n) sij/ gehoude(n) sijn tselve scep de(n) selve(n) aerde te leve(re)n op sijne(n) quareel/ hove(n) staen(de) acht(er) dbegijnhoff te loeven(en) It(em) oft de selve ii p(er)sone(n)/ tselve scep vuerde(n) op stake(n) boeme(n) steene(n) oft dier gelijke en(de)/ dat alsoe oft and(er)ssins v(er)suemde(n) so hebbe(n) sij dat den vors(creven) aerde/ geloeft te v(er)gelde(n) en(de) op te richte(n) t(er) taxatie(n) va(n) goede(n) ma(n)ne(n) hen/ des v(er)staende It(em) want de selve aert tvors(creven) scep de(n) vors(creven) p(er)sone(n)/ tot hue(re)n aencome(n) wat(er)vast gelev(er)t heeft so eest vurwerde/ dat sij dat tot hue(re)n afsceide(n) hen alsoe wed(er)leve(re)n sulle(n) en(de) den/ selve(n) aerde tot hue(re)n af sceide(n) tselve scep teliverere(n) op sijne(n)/ quaereel hove(n) vors(creven) cor(am) lint(re) hortbeke dec(embris) xv