Item nae dien dat tande(re)n tijden waelrave van streethem hem aen/ genome(n) en(de) v(er)mecht hadde die zoeni(n)ghe vander doot jans wilen/ vander balct bij jacoppe(n) van geldenaken ter doot bracht sijnde aen/ te gane en(de) te makene gelijck die zoeni(n)ghe voir wet te doirne/ gesloeten en(de) gepasseert es Ende tghelt vander vors(creven) zoeni(n)ghen/ te weten(e) xxiiii clinck(arde) en(de) xii stuv(er)s gesedt was opden wissel te/ loeven(e) bij peete(re)n vande(n) hove van weghen des vors(creven) jacops tot/ behoef des vors(creven) waelrave(n) oft tot behoef des gheens die der zoene(n)/ en(de) der bet(er)nissen d(er) selv(er) nae recht naerd(er) sijn mochte dan wael/ rave vors(creven) So eest dat aert van wolmont in p(rese)nc(ia) hem seggen(de) de/ naeste sijnde van wettighen bedde en(de) vand(er) zijden dair die zoene/ sculdich es te gane heeft ghekint en(de) gelijt dat hij gehaven/ en(de) gebuert heeft uuten vors(creven) wissele op borghen h(ier) onder/ ghenoempt de so(m)me gelts vors(creven) ghecome(n) vand(er) zoeni(n)ghen/ vors(creven) alsse vander doot johannes wilen vander balct bijde(n)/ vors(creven) jacoppe van live t(er) doot gebracht sijnde den selven/ jacoppe(n) en(de) peete(re)n vande(n) hove des selfs jacops zwager/ die d(aer) voe(r) geloeft mocht hebben volcomeleke(en) vand(en) vors(creven) zoene(n)/ ende beternissen volcomelic quijtscelden(de) Geloven(de) de voirs(creven)/jacop [aert] oft yemant quame die hem d(er) zoeni(n)ghen naerde(r)/ woude segghe(n) te sijne dan de vors(creven) jacop [aert] dat hij d(aer) aff den/ vors(creven) jacoppe en(de) peete(re)n ende elken van hen dair aff te rechte/ inne staen sall ende hen d(aer)aff altoes genoech doen en(de) tege(n) eene(n)/ yegeliken recht warant te sijne H(ier) aff sijn borghen des vors(creven) aerts/ als pri(n)cipael sculders indivisim jan vander balct pelsmakere/ sone wilen berthelmeeus en(de) jan coye sone wilen symoens/ Et prim(us) Bekinnen(de) en(de) v(er)liden(de) de vors(creven) aert dat de zoene vand(er)/ doot des vors(creven) wile(n) joha(n)nes ind(er) manie(re)n die tot doirne geschiet/ es mids tgene dat vors(creven) steet bijden vors(creven) jacoppe volcomeliken/ gedaen es Geloven(de) de selve aert voir hem en(de) sijne(n) erfgename(n)/ op lantzoene die tot ewighen daghe(n) goet vast gestedich en(de)/ onv(er)brekelic te houde(n) sonder d(aer) teghen iet te doene oft te doen/ doene te radene oft e(n)nigen wille oft consent in (contra)rien der selv(er)/ te geven(e) in enig(er) vueghe(n) den selve(n) jacoppe d(aer)aff ne(m)m(er)meer/ aenspreken(de) in enighe(n) rechte het sij gheestelic oft weerlic bij/ hem selven oft bij yeman(de) and(er)s van sine(n) weghe(n) in enig(er) manie(re)n/ cor(am) hortbeke meersberghe febr(uarii) xxiii