Het sijn come(n) in rechte voe(r) meye(r) en(de) scepen(en) va(n) loven(e) inde banc/ ald(aer) robbijn va(n) maelcote als geleid nae den rechte d(er) stat va(n) lov(en)/ totte(n) goede(n) jans henrix en(de) willems va(n) rillair kind(ere)n jans wile(n)/ va(n) rillair in deen zijde en(de) henric va(n) bullest(ra)te(n) en(de) jacop vand(er)/ hulste jan vand(er) paelt jan mertheus als naeste erfgename(n) m(ar)gr(ieten)/ wile(n) vander paelt weduwe peet(er)s wile(n) va(n) rillair met hue(re)n/ indien medeplicht(ere)n in dande(r) zijde alse vande(n) goede(n) v(er)cregen in/ volle(n) stoele biden vors(creven) wile(n) peet(ere)n va(n) rillair en(de) m(ar)griete(n) vand(er)/ paelt in dande(re) sine(n) wijve desgelijx va(n) alle d(er) haven ende/ vliegende(n) erve acht(er) den vors(creven) gehuysschen gebleven van welke(n)/ goede(n) beide haeflike en(de) v(er)cregen erfgoede de vors(creven) robbijn/ meynde dat hem die helicht sculdich wae(re) te volghe(n) te/ wete(n) de helicht vand(er) zijden des vors(creven) wilen peet(er)s va(n) rillair/ want de ghene die hem den brief bekint hebben naeste erf/ genamen sijn des vors(creven) wile(n) peet(er)s en(de) trecht vand(er) banck/ d(aer) dese vors(creven) goede geleg(en) sijn alsulc es wa(n)neer man oft wijf/ sond(er) gebuerte aflivich wordt dat dan de naeste leve(n)de/ vande(n) dooden de helicht vanden haefliken en(de) erflike v(er)cre/ gene(n) goede(n) tege(n) de(n) lanxte(n) leve(n)de(n) afdeilen en(de) te henwerts trecke(n)/ P(rese)ntere(n)de de ande(re) wed(er)helicht de(n) vors(creven) henricke va(n) bullest(ra)te(n)/
//
met sine(n) medeplichte(re)n te late(n) volghe(n) opde(n) last vand(er) meki(n)ge(n)/ d(aer) mede de vors(creven) wile(n) peet(er) sijns bastaerts soens wettige kinde(re)n/ versien hadde alse van hondert rijders dieme(n) vande(n) gemeine(n)/ v(er)cregene(n) en(de) haeflike(n) goede(n) trecke(n) soude Daer op de voirs(creven)/ henric va(n) bullestrate(n) met sine(n) medeplicht(ere)n antwerde dat hij d(er)/ vors(creven) sijnd(er) wed(er)p(ar)tie(n) wael geoude deen helicht vande(n) vors(creven)/ goeden alse vand(er) zijde(n) peet(er)s wile(n) va(n) rillair vors(creven) m(aer) nae dien/ dat sij [hij] naeste erfgename(n) wae(re) d(er) vors(creven) wile(n) m(ar)griete(n) gelijc sij/ boden te thoene(n) Soe meynde hij dat hem [en(de) sijne(n) medeplichte(re)n] die helicht sculdich/ wae(re) te volghe(n) nae d(er) bancke(n) recht voe(r) geruert En(de) op tgene/ des sijn wed(er)p(ar)tie seeght datme(n) de vors(creven) hondert rid(er)s trecken/ soude vand(er) have(n) en(de) gemei(n)de(n) v(er)cregene(n) goede(n) seeght de/ vors(creven) henric met sine(n) vors(creven) medeplicht(ere)n dat hem die helicht/ va(n) m(ar)griete(n) zijde(n) sculdich is te volghen sond(er) last vanden vors(creven)/ hondert rijd(er)s want de vors(creven) wile(n) peet(er) ten tijde als hij leefde/ en(de) wael mechtich was va(n) doene voe(r) scepen(en) va(n) haeght sijn/ helicht alleene d(aer) mede belaste En(de) nae dat beide p(ar)tie(n) tot hue(re)n/ thonisse gewesen sijnde huer thonisse geleid hadde soe werde(n)/ de vors(creven) p(ar)tien bij vo(n)nisse der scepen(en) va(n) loeven(e) gesedt inde/ banc daer de goede onder hove(n) o(m)me ald(aer) tege(n) malcande(re)n recht/ te geve(n) en(de) te neme(n) cor(am) roelants abs(oloens) smacht borchove(n) lintre/ hortbeke m(ar)cii s(ecund)[a]