Item tvonnisse tusschen goerde van goetsenhove(n) ja(n)ne stamelaert/ als man ende momboir jehennette(n) van goetsenhove(n) sijns wijfs/ in deen zijde ende denijse van oudreghem in dande(re) als van / vijf guldene erfchijs staende op de stad van thiene(n) daer die/ vors(creven) goert ende jan stamelaert meynde(n) dat hen die helicht/ volghen souden aengesien dat henric wijlen bosijns brued(er)/ des vors(creven) denijs in vollen stoele sittende met lijsbetthen/ van goetsenhove(n) sijnen wive suster des voirscr(even) goerts en(de)/ jehenetten jegen den voirs(creven) denijse sine(n) brueder een man/ gelinghe gedaen hadde van eenen huyse geleghen/[vacat]/ dwelck huys denijs vors(creven) aenveerde voir die voirs(creven) vijf/ guldene ende alsoe waren die v guldene bijden vors(creven)/ henricken Bosijns met lijsbetthen sinen wive in vollen stoele/ vercreghe(n) Ende want de selve henrick ende lijsbeth sond(er)/ wettighe gebuerte aflivich worden sijn Soe meynden/ de vors(creven) goert ende jan dat hen als naest erfghename(n)/ lijsbetthe(n) vors(creven) sculdich ware te volgene deen helicht/ vanden vors(creven) v guldene(n) Ende na dat denijs dat alsoe/ geschiet te sijne genoech sij kende soe es gewesen met/ vonnisse dat na tkenne(n) ende lijden des vors(creven) denijs thge/ deelte des selfs denijs vanden voirscr(even) vijf guldenen/ den vorscr(even) goerde ende janne volghen sall cor(am) roel(an)ts/ abs(oloens) smacht borchove(n) lint(re) hortbeke meersberghe junii viii