Nae dien dat opden iiii[te(n)] dach d(er) maent van junio lest lede(n) bide(n)/ raide vander stat om zeke(re) saken d(aer) toe dienende jasp(er) absoloe(n)s/ en(de) claes de kersmake(re) als maghe en(de) vriende henrix va(n) winxele/ gestelt sijn inde(n) name en(de) ond(er) auctoriteit vand(er) stat ten besorghe/ en(de) toesiene vande(n) regime(n)te he(n)rix va(n) winxele vors(creven) beide va(n)/ sine(n) goede(n) en(de) oec va(n) sijnd(er) dagelijxcher teeringhe(n) en(de) coste(n) Soe/ hebbe(n) de selve jasp(er) en(de) claes die(n) acht(er)volgen(de) bij wete(n) vand(er) stat/ en(de) inde(n) name en(de) ond(er) auctoriteit der selv(er) den vors(creven) he(n)ricke(n)/ besorght en(de) versien o(m)me bij h(ere)n coenrarde vand(er) mee(re)n ridde(re)/ met eene(n) cnape en(de) maerte(n) eenre maerte(n) in sine(n) cost gehoude(n)/ te worde(n) va(n) eeten en(de) va(n) drinckene wael en(de) tamelic Te / weten(e) den vors(creven) henricke gelijc h(er) coenrarde selve en(de) sijn/ vors(creven) cnape en(de) maerte gelijc den and(ere)n cnapen en(de) diene(re)n/ ald(aer) mede inne woene(n)de Voe(r) en(de) o(m)me hondert hollantssche/ guldene xvi stuv(er)s voe(r) den guldene(n) gerekent den vors(creven) coenrarde/ te iiii t(er)mijne(n) tsjaers te betalene Ende hebben voert gestelt/ janne va(n) winxele inden name en(de) onder de auctoriteit vors(creven)/ den selve(n) janne bijder stat hier toegegeven en(de) verleent/ totte(n) inne heffen en(de) besorge vanden goeden des vors(creven) henrix/ dwelc de selve jan in p(rese)ncien d(er) burg(er)meest(ere)n scepen(en) en(de) raid/ aengenomen heeft en(de) geloeft den vors(creven) h(ere)n coenrarde vande(n)/ vors(creven) janne gehave(n) goede(n) p(ro)fijten en(de) rinten te betalene de vors(creven)/ hondert guld(en) hollanssche te iiii t(er)mijne(n) vors(creven) oft nae gelande va(n)de(n)/ tijde dat de vors(creven) henric met sijne(n) dieneers v(er)teert sal hebbe(n)/ Ende heeft de selve jan voert geloeft den vors(creven) jasp(ere)n en(de) claese/ als vriende en(de) maghe he(n)rix vors(creven) tweewerve(n) tsjaers inde(n) name/ der vors(creven) stat wettige rekeni(n)ge te doene nae inhoude(n) vande(n)/ inve(n)tarijs boeke(n) die de vors(creven) vriende t(er) eenre en(de) jan t(er) ande(re)/ opde qua(n)titeit en(de) werde vande(n) vors(creven) goede(n) d(aer) af make(n) sulle(n)/ d(aer) af de vors(creven) vriende deen boec hebbe(n) sulle(n) en(de) de vors(creven)/ jan dande(re) va(n) gelik(er) tenue(re)n Behoudelic datme(n) den vors(creven) ja(n)ne
//
ind(er) vors(creven) sijnd(er) auctoriteit en(de) macht behoerliken assiste(n)cie(n) doen sall/ o(m)me de vors(creven) goede rinte(n) pachte(n) p(ro)fijte(n) en(de) vervalle te hantplich/ tene te regere(n)ne te heffene en(de) te boiren(e) en(de) al d(aer) inne te/ doene des d(aer)toe hem behoirt oft behoeft in enig(er) manie(re)n Actu(m)/ cor(am) prijke(re) burg(imagistr)[o] lud(ovic)[o] roelants lud(ovic)[o] vande(n) meersberge scab(inis)/ judoco abs(oloens) joh(ann)e de oppend(orp) (con)silib(us) junii xiiii