Want augustijn lielienboem en(de) lodewijc vand(er) triest als enich/ sone en(de) erfgename jans wile(n) vander triest sijns vaders die/ ov(er)mids vo(n)nisse(n) va(n) zeke(re)n scepen(en) brieve(n) va(n) loven(e) come(n) en(de) geleit/ sijn tot alle(n) den goede(n) machiels wile(n) kympe en(de) w joffr(ouwen) m(ar)griete(n)/ va(n) diedeghem sijns wijfs op heden hadde doen bescrijve(n) h(ere)n / ja(n)ne vander brugge(n) merckgrave die als buyte(n) officier tot/ conticke die hen ongebruyc dede aen thof t(er) sale(n) te conticke/ gelege(n) en(de) ten selve(n) dage niet come(n) en is Es gewijst bide(n)/ h(ere)n scepen(en) va(n) lov(en) t(er) manisse(n) smeyers datme(n) den vors(creven) geleidde(n)/ vande(n) vors(creven) goede(n) houde(n) sal in hue(re)n bel(eit) also v(er)re alst noch/ voir hen come(n) is cor(am) roel(ants) abs(oloens) borchove(n) lint(re) hortbeke meersb(er)ge/ junii xix