It(em) den vors(creven) lijfpe(n)sie brief sal blive(n) liggende ond(er) scepen(en)/ van loeven(en) tot dier meyni(n)ge(n) dat reynie(r) vande(n) hovelde/ vader der vorg(enoemde) maghtelden hem d(aer) mede sal moege(n) behulpe(n)/ o(m)me jairlix tot hue(re)n valdage(n) d(aer) af bet(alinge) te gec(ri)gene sonder/ die selve lijfpe(n)sie te v(er)coepene oft te belastene in enig(er)/ manie(re)n oft oec late(n) oft doen afquite(n) m(aer) sal de rinte(n) va(n)/ dien alleene heffen en(de) vue(re)n alsoe lange de vors(creven) joffr(ouwe)/ lijsbeth leve(n) sall d(er) vors(creven) maghtelden leefdage lang op dat/ de vors(creven) maghtelt voe(r) de vors(creven) joffr(ouwe) lijsbetthe(n) niet/ aflivich en wordt en(de) oft maghtelt alsoe voe(r) d(er) vors(creven)/ joffr(ouwe) lijsbetthe(n) aflivich wordt dat dan de vors(creven) joffr(ouwe)/ lijsbetthe(n) van dan voertaen d(aer) af ongehoude(n) sijn sal en(de)/ blive(n) iet meer te bet(alen) cor(am) eisd(em)