Item goert rabode geheete(n) luyx heeft ghekint en(de) gelijt dat hij wael/ ende wettelic gecocht heeft tegen janne vande(n) bossche amelrijke de/ wechte(re) en(de) peete(re)n vand(er) most alle brieders de so(m)me van c mudden/ ghersten d(er) maten van loven(en) alsoe goede(n) gerste als den lepel vand(er)/ selver sijn sall te loven(en) inden core(n)huyse des maendaeghs voe(r) sinte/ mertensdach neestcomen(de) en(de) des maendaeghs d(aer) nae dieme(n) alsda(n)/ beide te samen ende onder een ghiete(n) en(de) mynghe(n) sall ende de/ voirs(creven) hondert mudden op dat stael te vol leve(re)n en(de) de leveri(n)ge/ vande(n) selve(n) greyne tontfane op eenighe(n) sulde(re) vande(n) voirs(creven) drie/ p(er)soene(n) binne(n) loven(en) tot hue(re)n schoensten tussche(n) den dach vors(creven)/ ende vastelavo(n)de d(aer) nae vollev(er)t te hebben voe(r) en(de) o(m)me de/ so(m)me van c en(de) xv rinsche guld(en) stuc te xx stuv(er)s aut/ valo(r)em eoru(n)d(em) Welk vors(creven) greyn de vors(creven) drie p(er)soene(n) gekint/ hebben den vors(creven) goerde dat ind(er) manie(re)n als voe(r) voe(r) den/ vors(creven) prijs v(er)cocht te hebben en(de) geloeft in indivisi(m) den selve(n) goerde/ d(aer) aff leveri(n)ghe te doene gelijc bove(n) geruert steet Ende soe/ wanneer de vors(creven) goert vollev(er)t es soe heeft hij geloeft den/ vors(creven) drie p(er)soene(n) a(ut) altri de vors(creven) so(m)me gelts alsd(an) t(er) stont te/ betale(n) en(de) uut te reyken ass(ecutu)[m] Ende des es borghe des selfs goerts/ als principael sculdere franco de dieve(n) que(m)quid(em) fideiussore(m) d(i)c(t)us/ godefridus p(ro)misit relevare indempne(m) Cor(am) beert nausnide(re)/ junii xxvi