Item nae dien dat op hede(n) voe(r) den raide vand(er) stad come(n) sijn henric/ bollaert t(er) eenre en(de) m(ar)griete huysvrouwe des voirs(creven) henricx met henricke(n)/ heyberch ende met janne van kessele hue(re)n behoude(n) soene(n) in dande(re) alse/ van lvii rijders staende opden wissel ende gecoeme(n) vande(n) vercoepe/ van eene(n) huyse toebehoerende den voirs(creven) henricken bollart ende m(ar)gariete(n)/ sine(n) wijve gelege(n) inde hoelstrate Dwelc gelt de voirs(creven) henrick bollart/ tot sine(n) verdoene alleene trecken woude sonder d(er) voirs(creven) m(ar)gar(ieten) sine(n)/ wijve des gelts in hue(re)r nootdorsten mede te gheniete(n) niet wederstaende/ dien dat tvoirs(creven) huys dairt tgelt afcome(n) is bid(er) voirs(creven) m(ar)g(arieten) vercrege(n)/ is en(de) dat sy dat mede heeft hulpe(n) wynne(n) ende werve(n) Soe is/ bij ov(er)ghevene vande(n) p(ar)tien voirs(creven) ten uut(er)sten get(er)mineert datme(n) xl/ rijders vande(n) voirs(creven) lvii[e(n)] stelle(n) sal ter lijftochte(n) ten lijve vrijden ende/ katlijne(n) kinde(re) der voirs(creven) ghehuyssche(n) Behoud(elic) den selve(n) ghehuyssche(n)/ ende den lanxste(n) levende van hen huer heffen Et dat de voirs(creven)/ m(ar)gariete der rente(n) d(aer) af comen(de) mette(n) voirs(creven) henricke(n) hue(re)n man/ in hue(re)n nootdorsten gebruyken ende geniete(n) sal Behoud(elic) oft de selve/ ghehuyssche(n) noetlic behoefden datme(n) hen met gereede(n) gelde dier/ nootdorsten nae ordina(n)cie vand(er) stad te hulpe(n) sal come(n) soe wanneer/ de voirs(creven) lijfrente afgequete(n) worde It(em) is voirt get(er)mineert dat/ alsulke(n) goide(n) als de voirs(creven) henric bollaert de(n) voirs(creven) janne van kessele/ bewese(n) heeft voir ii sacken corens erfs pachts die de selve jan nae/ doot vande(n) selve(n) henricke in houweliker vurwerde(n) hebbe(n) soude bide(n)/ selve(n) janne van kessele niet vertiert beslast noch vercocht en sulle(n)/ worden mer sulle(n) sculdich sijn te volghen(e) den kindere(n) des selfs jans/ ende hue(re)n erfgename(n) It(em) is voirt get(er)mineert dat alsulken beleyt/ dair mede hughe van udekem voirsprake geleit is totte(n) goiden henricx/ bollaerts come(n) sal in hande(n) vand(er) stad o(m)me dair mede niet gedaen/ noch ghewracht te worden dan alleene bij weten(e) en(de) ordina(n)cie vand(er)/ stad en(de) den voirs(creven) kindere(n) met hue(re)n mombore(n) dair toe geroepe(n) sijnde/ Ende als vande(n) brieve(n) die vand(er) voirs(creven) lijftochte(n) gemaect sulle(n)/ worden is get(er)mineert dat die insgelijx come(n) sulle(n) in hande(n) vand(er)/ stad tot behoef henricx bollaert ende m(ar)gariete(n) sijns wijfs ende des/ lanxste levende van hen beiden o(m)me hen de rinte(n) van die(n) te doen/ volge(n) en(de) na de doot van hen hue(re)n voirs(creven) kindere(n) soe dat behoe(re)n/ sall als recht Cor(am) willem(air) burgim(a)g(ist)ro et aliis de (con)silio decembr(is) t(er)cia