It(em) all eest alsoe dat de voirs(creven) p(er)soenen de voirs(creven) schout geloeft hebben/ te betalen(e) tonser vrouwen dage nati(vita)[tis] naestcomen(de) dat nochtan dien/ niet wed(er)staende de selve p(er)soenen ten vors(creven) dage sullen (moeten)/ betalen de voirs(creven) vi peet(er)s ende xii stuve(re) en(de) alse vander xv peet(er)s/ rijd(er)s en sullen sy niet meer betalen dan so vele gelts als ged(ra)gen/ sullen vi mudden rox en(de) xii moel(evate) pag(abilis) cu(m) va(n)no (et)c(etera) d(aer) af de voirs(creven)/ jan de donde(re) tot sijnen schoensten nemen en(de) kiesen sal den hoeghsten/ merckdach te weten(e) viii dage voe(r) s(in)[te] jansmisse en(de) viii dage d(aer)na/ dat selve coren tot sijne(n) hoeghsten gegouden sal hebben te (loevenen)/ inden corenhuyse ende so men dat cleerlijc bevinden sal (opden) (register)/ d(er) stad van loeven(en) ende d(aer) op de beckers hue(re)n prijs nemen (sullen)/ en(de) alsd(an) sullen de selve p(er)soenen den voirs(creven) ja(n)ne de don(dere) (so) (vele)/ gelts betalen als tselve coren alsd(an) en(de) te dyen dage g(egouden) (sal)/ hebben en(de) niet meer Et p(ri)m(us) cor(am) eisd(em)