SAL8129, Act: R°92.2-R°94.1 (98 of 377)
Search Act
previous | next
Act R°92.2-R°94.1  
Act
Date: 1458-11-13

Transcription

2021-01-09 by kristiaan magnus
It(em) jan vand(er) eyken lanen geheeten vand(er) eyken sone henrix vand(er) lanen/
geheete(n) vand(er) eyken wonen(de) te libbeke in p(rese)nc(ia) heeft genome(n)/
en(de) bekint dat hij genome(n) heeft van h(er) henr(icken) va(n) ov(er)winge/
prieste(re) capellae(n) der kerke(n) va(n) sinte peet(er)s te loeven(en) dwinhof/
des selfs h(er) henrix geheete(n) patreys hof mette(n) huysinge(n) en(de)/
hue(re)r toebehoerte(n) en(de) mette(n) wynnen(de) lande(n) totte(n) selve(n) hove/
behoe(re)nde Te houde(n) en(de) te hebbe(n) in helichtwi(n)ni(n)ge(n) va(n) half/
m(er)the naestcomen(de) eene(n) t(er)mijn va(n) xii xii jae(re)n lang due(re)nde/
deen nae dand(er) sond(er) middel volgen(de) Heeft voert gekint de/
selve ja(n) dat hij genome(n) heeft den selve(n) t(er)mijn due(re)nde/
vanden vors(creven) h(er) henricke(n) en(de) joffr(ouwe) kat(lij)[ne(n)] van ursele weduwe/
roelofs wile(n) va(n) ov(er)winghe de beemde en(de) eeusselle(n) totte(n) vors(creven)/
hove behoe(re)nde Te wete(n) de selve beemde en(de) eeusselle voe(r)/
en(de) o(m)me thien rins gul(den) va(n) goude goet en(de) ginge en(de) vii/
g(ri)pe(n) xl pl(a)c(ken) voir elk g(ri)pe gerekent alle jae(re) s(in)[te] m(er)tens(misse)/
inde(n) wint(er) te betale(n) iiii rins gul(den) d(aer) af h(er) henr(icken) va(n) ov(er)wi(n)ghe/
vors(creven) en(de) dand(er) vi rins gul(den) en(de) vii g(ri)pen der vors(creven) joffr(ouwe) kat(lij)[ne(n)]/
den vors(creven) t(er)mijn due(re)nde q(u)[o](libet) ass(ecutu)[m] Ende de(n) tvors(creven) hof en(de) mette(n)/
lande(n) in helicht wi(n)ni(n)ge(n) opde vurw(er)d(en) en(de) (con)dicie(n) h(ier) nae bescr(even)/
Inde(n) ierste(n) dat de vors(creven) wi(n)ne jarlix sijne(n) tijt due(re)nde ten be/
hoerlike(n) tijde(n) de vors(creven) wi(n)nen(de) lande wale en(de) loflic wi(n)nen/
werve(n) meste(n) en(de) drijve(n) sal op huer getidege vore(n) gelijc regenote(n)
//
bove(n) en(de) benede(n) Ite(m) ten oexte also de vruchte(n) en(de) tcore(n) rijp sijn/
te velde so saelt de wi(n)ne h(ere)n henr(icken) late(n) wete(n) wa(n)neer me(n)/
die dat tselve core(n) en(de) vruchte(n) binde(n) sal o(m)me d(aer) tege(n) te come(n)/
en(de) te sinden en(de) als die gebonde(n) sijn salme(n) die onder vue(re)n/
en(de) h(er) henrix helicht ierst in sijn ov(er)ste schue(re) va(n) stucke te/
stucke vue(re)n en(de) de wi(n)ne sal sijn helicht vue(re)n inde ned(er)ste/
schue(re) en(de) de wi(n)ne sal moge(n) derssche(n) alst hem gelieven() sal/
het sij tot saetcorne oft broet coerne en(de) her henric en sal/
niet moge(n) doen dersschen voe(r) sinte m(er)tensmisse en(de) dan sal/
h(er) henric va(n) sijnd(er) helicht den dersschers geve(n) huer dachue(re)n/
en(de) de(n) montcost en(de) tot hemwert neme(n) allet grein en(de) crinse(n)/
dat vand(er) selv(er) sijnd(er) helicht come(n) sal [en(de) dat her henr(ic) te love(n) bri(n)g(en)] en(de) de wi(n)ne sal hebbe(n)/
alle caff en(de) ov(er)caer en(de) oec allet stroe o(m)me dat met sijne(n)/
beeste(n) [inden vors(creven) hove] te ette(n) en(de) d(aer) af mest te make(n) en(de) dat opde vors(creven)/
lande vue(re)n tot hue(re)n meeste(n) p(ro)fijte sonder op enige buyten la(n)de/
te vue(re)n vande(n) meste oft and(er)s iet dat opde vors(creven) la(n)de sal/
wasse(n) It(em) de wi(n)ne sal devene met ii vore(n) inne rue(re)n/
en(de) niet min It(em) de wi(n)ne sal mergele(n) alle jae(re) (½) boend(er) lants/
en(de) die(n) m(er)gel op sijne(n) cost hale(n) en(de) in elc dachmael legge(n)/
v voeder m(er)gels met iii p(er)de(n) oft vi voed(er) met ii p(er)de(n)/
en(de) dat de(n) m(er)gel coste opde(n) poel sal h(er) henr(ic) betale(n)/
It(em) sal de vors(creven) wi(n)ne jarlix h(er) henr(icken) vors(creven) geve(n) iii[c] walms/
o(m)me inde(n) selve(n) hove te verdecken en(de) watme(n) d(aer) maect/
va(n) ouwen werke d(aer) af sal her henr(ic) de dachue(re)n bet(alen)/
en(de) de wi(n)ne den montcost geve(n) En(de) watme(n) d(aer) maect va(n)/
nuw(er) ti(m)meri(n)ge(n) d(aer) inne en sal de wi(n)ne niet gehoude(n) sijn/
het en wae(re) dat behoefde tsjaers eens eene(n) ti(m)m(er)m(n) ald(aer) te come(n)/
so sal de selve wi(n)ne gehoude(n) sijn die eene(n) ti(m)m(er)ma(n) [tsjaers] de(n) selve(n)/
ty(m)m(er)ma(n) iiii dage den montcost te geve(n) It(em) sal de wi(n)ne/
houde(n) de vors(creven) huysi(n)ge op sijne(n) cost vand(er) ned(er)ster rikele(n) tott(er)/
plate(n) toe en(de) oec op sijne(n) cost te doen make(n) en(de) r(e)parere(n) tgene
//
des sijn beeste(n) sulle(n) moge(n) breke(n) It(em) de wi(n)ne sal hebbe(n) half doeft/
dat bi(n)ne(n) den hove wasse(n) sal en(de) dand(er) helicht h(er) henric en(de) de/
wi(n)ne sal h(er) henrix gedeelte te loven(en) leve(re)n It(em) h(er) henric en(de)/
de wi(n)ne sulle(n) den lesers vande(n) oefte gelijc huer dachue(re)n betale(n)/
en(de) te gelike sette(n) en(de) de wi(n)ne sal hen den montcost geven des?/
sal de wi(n)ne de boeme(n) doen veghen en(de) tverdroecht hout des?/
uuthouwe(n) en(de) de boeme te wint(er) doen omgrave(n) It(em) de wi(n)ne/
sal hebbe(n) allet strunchout dat gewoenlic es geweest te truncke(n)/
o(m)me de goede mede te bevrede(n) en(de) tot behoef va(n) sijnd(er) berri(n)ge(n)/
sond(er) thout uutgenome(n) dat hout dwelc steet aen derve dat/
h(er) henr(ic) corts weeghs v(er)crege(n) heeft tege(n) hen henr(ic) va(n) p...?/
symone den briede(re) en(de) den kind(ere)n ty(m)m(er)mans dwelc hout de/
selve [h(er)] henric tot behoef va(n) sijnd(er) berri(n)ge(n) voe(r) hem behult It(em)/
en sal de vors(creven) wi(n)ne egeen bewint hebbe(n) inde ov(er)ste schue(re) noch/
inde wouw(er)s noch int dofhuys noch inde came(re) staen(de) bi(n)nen/
den vors(creven) winhove noch benede(n) noch bove(n) uutgesceide(n) dat de vors(creven)/
wi(n)ne jairlix hebbe(n) sal tduyve(n)mest vanden vors(creven) dofhuyse/
tot op eene(n) sack nae die her henric hebbe(n) sal It(em) de wi(n)ne/
en sal opde vors(creven) goede egeen gheyten noch enden moge(n) houden/
It(em) sal de wi(n)ne den vors(creven) her henr(icken) jairlix doen ii carweyden/
met sijne(n) wagen en(de) p(er)den van libbeke tot loeven(en) en(de) der vorg(enoemde)/
joffr(ouwe) katlijnen een gelike carweye It(em) oft de vors(creven) her henric/
buyte(n) enige(n) walm cochte o(m)me opde vors(creven) goede te v(er)decke(n) die/
sal de wi(n)ne tot sijnd(er) cost hale(n) en(de) den leem steke(n) en(de) bi(n)nen/
shoefs bringen en(de) den werclieden d(aer) af den montcost geve(n) en(de)/
h(er) henr(ic) sal de dachue(re)n betale(n) It(em) oft enich strunchout opde/
goede verdroeghde dat sal de wi(n)ne hebbe(n) en(de) voe(r) elc/
v(er)droecht hout sette(n) ii leve(n)de poten It(em) de wi(n)ne sal jarlix/
sijne(n) vors(creven) t(er)mijn due(re)nde op sijne(n) cost houde(n) de weeghe/
die de vors(creven) goede sculd(ich) sijn te houdene en(de) de bode(m)me va(n)de(n)/
wat(er)loepen en(de) grechte(n) alsoe dat die niet gecale(n)geert en
//
worde(n) en(de) oft sij gecale(n)geert wordde(n) en(de) met rechte dat/
sal de wi(n)ne tot sijnd(er) cost gelde(n) en(de) betale(n) It(em) de vors(creven) wi(n)ne/
sal jairlix moge(n) saye(n) i dach(mael) crocke(n) dies sal h(er) henric/
d(aer) tege(n) hebbe(n) i dach(mael) evene(n) in gelike(n) lande It(em) de selve/
wi(n)ne sal de(n) selve(n) [h(er)] henr(icken) jairlix saye(n) i halst(er) lijsaets en(de)/
dlant d(aer) toe gereide(n) en(de) her henr(ic) sal den saet leve(re)n en(de)/
alse tvlas gereet is [sal dat de wi(n)ne] de(n) selve(n) her henr(icken) te loven(en) leve(re)n/
It(em) en sal de vors(creven) wi(n)ne tvors(creven) goet mey nyema(n)de voert va(n)/
sijnd(er) hant moge(n) uutgheve(n) het en sij bij oppenbae(re)n (con)sente/
her henrix vors(creven) It(em) sulle(n) de wi(n)ne en(de) her henric va(n) mal/
cande(re)n mogen scheiden binne(n) den ierste(n) vi jae(re)n Behoudelic dat/
de ghene die scheide(n) wilt dat den and(ere)n i jaer te voe(re)n con/
dige(n) sal It(em) sal de vors(creven) wi(n)ne de vors(creven) [lande(n)] late(n) tot sijne(n) af/
sceide(n) gelijc hij die vint tot sijne(n) aencome(n) Te wete(n) ix/
dach(mael) opden bog(ar)ts hof in ii stucke(n) gelege(n) met rogge besayt/
It(em) iii boend(er) op sgheysers velt storte eens o(m)me gedae(n) It(em)/
i boend(er) gehete(n) dneckerke(n) eens o(m)me gedae(n) en(de) de brake/
al geheel en(de) dbloc acht(er) die woeni(n)ge storte o(m)me gedae(n)/
It(em) alst compt opt dleste jaer vande(n) sceidene so sal de/
vors(creven) h(er) henric va(n) sijnd(er) hant moge(n) setten eene(n) sayere/
op swinne(n) cost die de vors(creven) goede besaye(n) sal d(aer) toe dat/
de wi(n)ne de(n) saet leve(re)n sal en(de) [d(aer) toe] den saye(re) betale(n) It(em) oft de/
vors(creven) her henric buyte(n) enich stroe oft mest coept d(aer) af sal/
de vors(creven) h(er) henr(ic) jairlix de ii [derden] deele betale(n) en(de) de wi(n)ne/
dand(er) derdendeel en(de) dat [stroe] voert inde(n) hove ette(n) met sijne(n)/
beeste(n) en(de) dat voert op d(aer) af voert mest make(n) en(de) dat [mest mette(n) ande(re)n meste dat sij coepe(n) sulle(n)] opde/
vors(creven) lande vue(re)n tot hue(re)n meeste(n) p(ro)fijte It(em) want de/
vors(creven) h(er) henric den vors(creven) wi(n)ne tot sijne(n) aencome(n) ge/
leent heeft x rins gul(den) en(de) iii sacke(n) g(er)ste(n) So es h(ier) inne/
bevorwert en(de) heeft geloeft de selve wi(n)ne de(n) selven/
her henricke die weder o(m)me te betale(n) Te binne(n) den
//
ierste(n) iiii jae(re)n Te wete(n) binne(n) de(n) ierste(n) ii jae(re)n elx jaers ii(½) rins/
guldene en(de) i(½) sack g(er)ste(n) d(aer) af en(de) binne(n) den and(ere)n ii jae(re)n d(aer) nae/
v(er)volgende elx jaers ii(½) rins gul(den) en(de) telke(n) t(er)mijne als v(er)volghde/
schout It(em) heeft voert de selve wi(n)ne in helicht wi(n)ni(n)ge(n)/
genome(n) van joffrouwe(n) katlijne(n) va(n) ursele vors(creven) lii boend(er)/
lants gelege(n) opden wolff Op alle vurwerde(n) en(de) (con)dicie(n) tussce(n)/
huer en(de) den wi(n)ne te gesciene en(de) voldaen te wordene gelijc/
voe(r) tussce(n) den selve(n) wi(n)ne en(de) h(ere)n henricke va(n) sijne(n) lande/
voe(r) bevorwert staet als vandes selfs her henr(ix) lande vors(creven)/
va(n) welke(n) [ende vanden selv(er)] iii de boend(ere)n lants de selve wi(n)ne ond(er) de(n) and(ere)n/
jaerlix [te] m(er)gele(n) sall (½) dach(mael) [d(aer) af sond(er) cost d(er) selv(er) joffr(ouwe)] en(de) de vors(creven) selve iii boend(ere)n lants/
te late(n) tot sijne(n) afsceide(n) besayt half met rogge en(de) half met/
witte(n) coerne En(de) alle dese vurw(er)d(en) en(de)(con)dicie(n) It(em)[Ende] de vors(creven) joffr(ouw)/
katline sal behoude(n) den vors(creven) t(er)mijn due(re)nde sond(er) den wi(n)ne d(aer)/
inne iet gericht te sijne de voerle(n) die opde selve iii boend(er)/
lants stae(n) tot hue(re)r berri(n)gen En(de) alle dese vurw(er)d(en) en(de) (con)dicie(n)/
bove(n) bescr(even) hebbe(n) geloeft de vors(creven) wi(n)ne in deen zijde en(de) h(er)/
henric va(n) ov(er)wi(n)ge en(de) joffr(ouw) kat(lij)[ne] in dande(re) zijde deen den/
and(ere)n vast gestentich te houde(n) (et)c(etera) En(de) van al des vors(creven) ...?/
es borge des vors(creven) wi(n)ne(n) als principael sculde(re) henric vand(er)/
eyken sijn vader Et p(rim)[(us)] cor(am) prijke(re) m(er)sels no(vembris) xiii
Contributorskristiaan magnus , Chris Picard
Moderated bykristiaan magnus
Last update: 2016-05-23 by kristiaan magnus