SAL8129, Akte: R°170.3 (163 van 377)
Akte R°170.3
Act
Datum: 1459-01-17
Transcriptie
2016-06-16 door kristiaan magnusIt(em) van alsuke(n) stoete als opv(er)staen es tussche(n) janne de donde(re)/
in deen zijde en(de) katline(n) weduwe henrix wijle(n) peissemans/
brued(er)s in dande(re) zijde Spruyten(de) uut zeke(re)n tichten toeseggene/
en(de) gelufte(n) als de vors(creven) jan de donde(re) meynde dat hem de vors(creven)/
katline toegeseet soude hebben Dwelc nochta(n) hem de vors(creven)/
katline ontkennen(de) was en(de) oec va(n) gelijke(n) spruyte(n) uut zeke(re)n/
actie(n) en(de) eisschen die de selve katline [ja(n)ne] eisschen(de) was die hij/
insgelijx huer oec ontkinde Soe hebben hen de vors(creven) jan en(de)/
katline [d(aer) af] gesubmitteert eendrechticlic in segge(re)n en(de) vrientlic/
yffene(re)n Te weten de vors(ceven) jan de donde(re) in qui(n)tene cokeroul/
burg(er)meest(er) te loven(en) en(de) in ja(n)nesse mailherbe en(de) de vors(creven) katline/
in h(ere)n wille(m)me va(n) beke p(ro)chiaen van sinte g(er)truden te loven(en)/
en(de) in steven smachts Op alsoe dat de vors(creven) segge(re)n elk(er) p(ar)tien/
bescheit ierst aengehoert en(de) ov(er)gehadt huer segge(n) d(aer) af/
voe(r) scep(enen) van loeven uutspreken sullen tusschen dit en(de)/
sat(er)dach naestcomen(de) mett(er) sonnen op dat sijs eens en(de) van/
accorde sijn En(de) oft des niet en wae(re) so sulle(n) dan de vors(creven)/
segge(re)n kiesen eene(n) ov(er)man dien sij vand(er) saken informe(re)n sullen/
Welke ov(er)man sijn uutsp(ra)ke d(aer) af doen sal des maend(ags) d(aer) nae/
It(em) oft yemande sijne(n) segge(re) gebrake dat hij wed(er) o(m)me indie/
stat eene(n) and(ere)n [geliken] kiesen en mach P(ro)mitt(entes) rat(um) cor(am) beert/
col(on)[ia] ja(nua)[rii] xvii
Nagekeken door: Chris Picard
Moderator: Chris Picard
Laatste update:: 2016-05-30 door kristiaan magnus