It(em) sulle(n) de vors(creven) brieve beide schoutbrief en(de) beleitbrief ond(er) scepen(en)/ blive(n) liggende des vors(creven) jans donckers leefdaghe lang due(re)nde/ Tot dien eynde dat de selve jan alle d(er) vors(creven) goede sijn leefdage/ lang gebruyke(n) sall en(de) die moege(n) v(er)coepe(n) v(er)tie(re)n belaste(n) oft and(er)ssins/ dispone(re)n soet hem gelieve(n) sall [nae sijnre geliefte(n)] En(de) oft hem yema(n)t d(aer) aen ongebruyc/ dade so soude de hem de vors(creven) arnt tot besceide mette(n) selve(n) beleide(n)/ helpen en(de) den vors(creven) ja(n)ne donck(er) va(n) lijve t(er) doot come(n) sijnde so/ es des vors(creven) [selfs] jans begeerte dat de vors(creven) arnt alle de selve goede/ die nae de(n) acht(er) [hem] de(n) selve(n) ja(n)ne blive(n) sulle(n) have en(de) erve mett(er)/ vliegen(de) erve soe waer die geleg(en) sijn oft hoe die genoempt moge(n)/ worden mette(n) selve(n) beleide sal doen volghen katlijne(n) va(n) loen/ docht(er) h(ere)n gielijs wijle(n) va(n) loen p(rie)st(er)s o(m)me de selve goede bijd(er) selv(er) kat(lijne)/ tot hue(re)n vrije(n) en(de) eygene(n) wille te beke(re)n En(de) d(er) selv(er) kat(lij)[ne(n)] d(aer)toe/ vestich(eit) doen mette(n) selve(n) beleide sond(er) sijne(n) cost dwelc de selve .../ d(er) vors(creven) katlijne(n) ald(us) geloeft en(de) toegeseedt heeft te doene sond(er) ar/ gelist cor(am) eisd(em)