Cond zij alle(n) liede(n) dat jan die smet wonen(de) te meensele sone/ wijle(n) jans in p(rese)nc(ia) heeft gehuert en(de) bekint dat hij gehuert/ heeft tege(n) weyne rampaert sone wijle(n) mathijs tpaenhuys/ des selfs weyns met alle(n) sijne(n) toebehoerte(n) gelege(n) te kieseke(m) ge/ heete(n) te neck(er)spoele Te houde(n) en(de) te hebbe(n) va(n) half m(er)the/ naestcomen(de) eene(n) t(er)mijn va(n) vi jae(re)n lang due(re)nde deen nae dand(er)/ sond(er) middel volgen(de) Elx jaers dae(re)n bi(n)ne(n) voe Te wete(n)/ alle weke(n) dae(re)n bi(n)ne(n) o(m)me en(de) voe(r) viii gelt(en) biers mate/ va(n) thiene(n) alsulke(n) bier als de vors(creven) ja(n) inde(n) selve(n) paenhuse/ bruwe(n) sal den vors(creven) weyne den vors(creven) t(er)mijn due(re)nde q(u)[o](libet) ass(ecutu)[m] en(de)/ bi(n)ne(n) den vors(creven) paenhuyse te leve(re)n Opde vurwerde(n) en(de) (con)dicie(n) h(ier)/ nae bescr(even) Ierst wairt dat de vors(creven) wein aende vors(creven) goede
//
van sijnd(er) hant iet dade make(n) dat sal de vors(creven) jan den wercliede(n)/ verlegge(n) in afslage vanden pachte des vors(creven) weins alsoe v(er)re/ als iii ame(n) biers gestrecke(n) It(em) waert oec alsoe dat de selve/ wein te(n) huyse des vors(creven) jans iet dade hale(n) va(n) spise(n) drancke/ oft and(er)ssins dat de vors(creven) anthonijs jan v(er)cochte dat hij dat den/ selve(n) weyne oec afslaen sal vande(n) selve(n) sijne(n) vors(creven) pachte It(em)/ sal de vors(creven) jan de huysinge vande(n) vors(creven) goede(n) houde(n) van wa(n)de/ vand(er) ond(er)ster rikele(n) nederwert op sijne(n) cost It(em) waert dat de/ vors(creven) ja(n) aende vors(creven) goede iet brake dat sal hij wed(er) doen make(n)/ tot sijne(n) coste It(em) de selve ja(n) sal de vors(creven) goede late(n) tot sijne(n)/ afsceide(n) soe hij die bevi(n)de(n) sal tot sijne(n) aencome(n) It(em) want/ de vors(creven) wein de(n) vors(creven) ja(n)ne geleent heeft xii rins gul(den)/ te xix stuv(er)s stuc soe heeft de selve ja(n) de(n) vors(creven) weine die/ geloeft wed(er)om te geve(n) en(de) te bet(alen) te(n) afsceide(n) van sijne(n) vors(creven)/ t(er)mijne En(de) alle dese vurw(er)d(en) en(de) (con)dicie(n) bove(n) gescr(even) heeft geloeft/ de vors(creven) ja(n) de(n) vors(creven) weine wael en(de) volcomelic te houde(n) en(de)/ voldoene talle(n) tijde(n) en(de) t(er)mijne(n) als die valle(n) en(de) v(er)schine(n) sulle(n)/ q(u)[o](libet) ass(ecutu)[m] cor(am) beert col(onia) fe(bruarii) xii