It(em) de voirs(creven) he(r) weerne(r)e in p(rese)ncia heeft ghelooft en(de) toegheseet/ den voirs(creven) henricken boelaert en(de) henricken van ee(re)mboudeghem voirs(creven) / dat hij ter stont tgelt vanden voirs(creven) renten comen(de) sal stellen opden wissel/ van loeven(en) tot behoef der selv(er) borghen behoudelijken dat de selve h(er) weerne(re)/ dat selve gelt bynne(n) iii maenden naistcomen(de) sal moghen ghebruyke(n)/ int ond(er)staen van naed(er)schape vanden goeden tot attenhoven bij jonch(er)/ daneele vand(er) ryvie(re)n vercocht ende oft hij des niet en dade/ zoe zulle(n) die borghen tvoirs(creven) gelt wed(er)o(m)me moghen bekee(re)n in/ lossinghen vanden voirs(creven) rente(n) aende dist(ri)bucie voirs(creven) ende heeft voort/ ghelooft den selve(n) borghen in ghevalle oft hij mette(n) voirs(creven) pe(n)ninghe(n) die/ voirs(creven) goede van attenhove ghecreghe dat hij dan bynnen eenre maent/ dair nae de voirs(creven) rente van xiiii peet(er)s der voirs(creven) dist(ri)bucie(n) opde selve/ goede bewijsen ende bevestinghen sal ende de voirs(creven) sijn borghen dair mede/ int gheheele ontlaste(n) ende dair toe and(er)s soe vele doen dat der voirg(enoemde)/ dist(ri)bucie(n) vast ende zeker sal mogen sijn ende dat de voirs(creven) sij(n) borghe(n)/ vand(er) voirs(creven) borchtochten int gheheele zullen sijn onthaven cor(am) eisd(em)