SAL8131, Akte: V°18.2 (33 van 482)
Akte V°18.2
Act
Taal: Nederlands
Transcriptie
2015-07-27 door Walter WinnelinckxIt(em) nae dien dat henric van schoene(n)berghe gelaesmake(r) als aenlegge(r)/aen deen zijde en(de) jan van ranshem als man en(de) momboir joffr(ouwe)/katlinen docht(er) jasp(er)s wijlen absoloens in dand(er) zijde alse van/xii rins gul(den) en(de) viii stuv(er)s die de vors(creven) henric seide dat hij met/pijn en(de) arbeide va(n) gelasten te maken aenden vors(creven) wijlen jasp(er) v(er)dient/hadde en(de) dat de selve wijlen jasp(er) hem die sculd(ich) was en(de)/bleeff als hij sterff bieden(de) dat ten heiligen te houde(n) als op/eenen doode(n) En(de) want de vors(creven) wijlen jan der vors(creven) joffrouwen/katlijnen getrouwet hadde en(de) de have nae de doot der/vors(creven) wijlen jasp(er)s aenveert Soe meynde de vors(creven) henric dat/de vors(creven) jan hem betalinge doen soude vanden xii rins gul(den)/en(de) viii stuv(er)s vors(creven) En(de) nae dien dat de vors(creven) jan gekint/hadde der vors(creven) joffr(ouwe) kat(line) getroudt te hebben en(de) de vors(creven)/have aenveert en(de) oec de vors(creven) henric met hem sind(er)? meer? [sevender?]/sijns v(er)meets volquam es gewijst dat de vors(creven) jan den vors(creven)/henr(ic) gehoude(n) sal sijn te voldoene vanden xii rins gul(den)/en(de) viii stuv(er)s vors(creven) cor(am) lyemi(n)gen witte lyemi(n)gen zande nausnide(re)/colonia julii xvii
Nagekeken door: Inge Moris
Moderator: Inge Moris
Laatste update:: 2012-01-12 door Inge Moris