It(em) boudewijn coep(er)smet wonen(de) ten broeke sone wijlen lodewijx ende/ m(ar)griete colvers sijn wijff in jegewordich(eit) der scepen(en) van loeven(en) gestaen/ hebben genomen en(de) bekint dat sij genome(n) hebben tegen jacoppe van/ raveschote de goede hier nae bescr(even) te weten i(½) dach(mael) en(de) xii/ roeden lants gelege(n) ten broeke naest den goeden scloest(er)s van he(re)np(er)cke/ met eene(n) stuxken lants en(de) eene(n) bog(ar)deken dat wijg(ar)t plach te sijne/ houden(de) omtrent vijftich roeden alsoet gelege(n) es luttel min oft meer soet/ d(air) gelege(n) is It(em) noch ii stallen staen(de) int vors(creven) hof van broeke aende/ porte ald(air) metten groeten huyse staen(de) ov(er) dand(er) zijde vand(er) selver/ poerten met eene(n) bog(ar)de acht(er) tselve huys geleg(en) in desen uutgesceiden/ den sulde(r) metter scouwen inden selven huyse staen(de) d(air) inne de vors(creven)/ gehuyssche(n) egeen recht en behouden Te houden te hebben en(de) te winnen/ van half m(er)the lest leden eene(n) t(er)mijn van vi jaren lang due(re)nde deen/ nae dand(er) sond(er) middel volgen(de) elx jaers dae(re)n bynnen voe(r) en(de) o(m)me/ een mudde en(de) vi halst(ere)n rox goet en(de) paiabel met wa(n)ne en(de) met/ vede(re)n wel bereit d(er) maten van loeven(en) alle jair te half en(de) v(½) rins/ gul(den) va(n) goude goet en(de) ginge alle jair te half m(er)the te be(alen) en(de) te/ loeven(en) te leve(re)n den vors(creven) t(er)mijn due(re)nde en(de) telken t(er)mijne als/ v(er)volghde schout opde (con)dicien h(ier) nae bescr(even) Inden iersten te weten/ dat de vors(creven) gehuysschen de vors(creven) lande jairlix hue(re)n t(er)mijn due(re)nde/ wel en(de) loflic winnen werve(n) en(de) ov(er)mesten sullen gelijc regenoeten/ boven en(de) beneden En(de) dat de vors(creven) jacop en(de) de [ge]huysschen alle doeft/ en(de) noten die opde vors(creven) goede wassen sullen jairlix halff en(de) halff/ hebben en(de) deilen sullen en(de) de wi(n)ne sall die op sine(n) cost afdoen/ en(de) t(er) eerden leve(re)n It(em) de selve gehuysschen sullen de vors(creven) huysinge/ houden op hue(re)n cost vand(er) ond(er)ster rikelen ned(er)wert in goeden state/ en(de) r(e)p(ar)acien den vors(creven) t(er)mijn due(re)nde It(em) de vors(creven) p(er)soene(n) sullen van/ malcande(re)n mogen sceiden binnen den iersten drie jaren behoud(elic) dat de/ ghene van hen die sceide(n) wilt dat den and(ere)n een [half] jair te voeren/ condige(n) sall en(de) alle dese vurw(er)d(en) (et)c(etera) cor(am) lye(ming)[en] col(onia) junii viii