It(em) nae dien dat lodewijc mercx zone henricx wijlen mercx/ in deen zijde ende digne lodewijx als gheleit totten goeden desselfs/ wijlen henricx in dande(re) come(n) sijn in rechte voir meye(r) en(de) scepen(en) van/ loeven(en) alse van zeke(re)n vliegen(de) erve te weten(e) van eene(n) bedde van/ eene(n) ee(re)n potte en(de) twee oercussene van plume(n) dair af beyde p(ar)tije(n)/ ghewese(n) waren tot hue(re)n thonnisse ende de voirs(creven) lod(ewijc) ond(er) den ande(re)n/ ghethoont heeft dat de voirs(creven) vliegenterve come(n) es en(de) verschene(n)/ uut doode m(ar)grieten wijlen vanden poele wettighe moeye des voirs(creven)/ wijle(n) lod(ewijcx) op machtelde(n) vanden poele huer(er) zust(er) die wettich wijf/ was des voirs(creven) wijlen henricx en(de) moed(er) des voirs(creven) lod(ewijcx) mercx Ende voort/ dat die selve lod(ewijc) es enich wettich zone des voirs(creven) wijle(n) henricx en(de)/digne machtilde(n) Thonen(de) voort dat de voirs(creven) wijle(n) henric en(de) digne/ de voirs(creven) vliegenterve hadden doen hale(n) uuten huyse der voirs(creven) wijle(n)/ m(ar)grieten sond(er) wille d(er) voirs(creven) machtilde(n) die alsdoen vanden voirs(creven)/ henricke hue(re)n man verscheyden sadt Ende dair nae de voirs(creven) sake/ bij vonnissen der scepen(en) ghesedt was ind(er) stad hande ende men inde(n)/ thonnisse(n) bevonden heeft de voirs(creven) vliegent erve ghecome(n) sijnde vand(er)/ sijden m(ar)griete(n) wijle(n) vanden poele moeye des voirs(creven) lod(ewijcx) Soe es/ ghet(er)mineert dat de voirs(creven) vlieghent erve den voirs(creven) lod(ewijc) volge(n) sal/ Actu(m) in pleno (con)silio cor(am) roelants coker(oul) burgimag(ist)ris (et) aliis de pleno/(con)silio junii xv