Jo(hannes) cleynvrancke/ It(em) jan de scep(er)e van kiesekem sone wijle(n) goerts jan de scep(er)e/ sone wijlen gheerts jan dierix geheeten de cuyp(er)e en(de) he(n)ric/ vanden veere laten sp(er)sonaetscaps van kiesekem en(de) joffrouwe/ p(ri)nen wed(uw)[e] weyns wijlen rampaert en(de) hue(re)r kind(ere)n in hue(re)n/ hoeven tot kiesekem in jegewordich(eit) d(er) scepen(en) van loeven(en) gestaen/ hebben oppenbaerlic getuyght en(de) gedragen dat sij mette(n) and(ere)n/ hue(re)n medegeselle(n) vanden vors(creven) hoven d(aer) bij ov(er) en(de) aengeweest/ sijn als late(n) dair jan cleinvrancke als behoerlic va(n) h(er) wout(ere)n/ van eyken [trure als] p(er)soen van kiesekem met scepen(en) brieve(n) van loeven(en)/ v(er)nuechticht voe(r) gebreck van zeke(re)n erfpachte des [der] p(er)soenagen/ van kiesekem toebehoren(de) gedaeght heeft opde goede hier inne/ bescreve(n) Te weten op een stuc lants ge houden(de) i boender/ luttel min oft meer geleg(en) inde p(ro)chie va(n) kiesekem opde/ nuwe strate tussce(n) de goede (christ)iaen bog(ar)ts op deen zijde en(de)/ de goede ja(n)nes m(er)sels op dand(er) zijde en(de) naest d(er) vors(creven)/ nuwe strate(n) deen genechte [voe(r)] dand(er) nae en(de) de derde d(aer) inne/ en(de) de vierde va(n) gracien en(de) altijt met v(er)anderi(n)ge(n) va(n) laten/ En(de) heeft tot elk(er) genechte(n) dach besceide(n) en(de) voert geeischt/ henricke peet(er)s wille(m)me smeets lijsbetthe(n) wed(uw)[e] he(n)rix/ wijle(n) cloest(er)mans en(de) hen de conde gedaen soe dat behoert/ en(de) oec ond(er) de clocken met name en(de) toename genoemt/ Tuygen(de) voert want binnen de vors(creven) iiii genechte(n) opde/ vors(creven) goede nyeme(n)t [niet] bevonden en is te panden nocht oec/ nyema(n)t en quam die den vors(creven) ja(n)ne cleinvrancke(n) inden/ name der vors(creven) p(er)soene [p(er)soens] va(n) wegen der p(er)sonagen hadde oft/ betalinge gedaen hadde Soe es bij vo(n)nisse(n) d(er) laten t(er) maniss(en)/ smeyers d(er) gronthe(re)n vors(creven) met vo(n)nisse gewijst alle de ghene/ die jong(er) sijn dan de vors(creven) p(er)sonage en(de) met rechte es/ late(n) weten die d(aer) uut en(de) den vors(creven) ja(n)ne cleenvrancke(n)/ inde(n) name en(de) tot behoef d(er) vors(creven) p(er)sonage(n) d(aer) inne En(de)/ want wij late vors(creven) met onse(n) mede laten d(aer) bij en(de) ov(er) sijn geweest/ d(aer) alle de vors(creven) sake(n) gesciet sijn als recht Soe hebbe(n) wij dat/ ov(er)bracht voe(r) de scep(enen) va(n) lov(en) hen bidden(de) dat sij dat ov(er) ons/ wille(n) tuijge(n) en(de) segele(n) dwelc doen meersb(er)ghe colonia julii vi[ta]