Tvonnisse vanden gedinghe dat geweest is voir meye(r)/ en(de) scepen(en) van loven(en) inde banc ald(aer) tusschen yden weduwe/ wout(er)s wilen crabbe in deen zijde en(de) mathijse dierix in/ dandre zijde als van eene(n) bedde d(aer) op de selve yde/ tegen den vors(creven) mathijse ontleent hadde eene(n) leeu welc/ bedde bijden selven mathise in sine(n) handen sijnde v(er)erghert/ es v peet(er)s gedragen(de) huer nochtan vand(er) taxacien va(n)/ dien tot goeden ma(n)nen die hen des v(er)staen en(de) die dbedde/ voe(r) gesien mochten hebben p(rese)nt en(de) den selve(n) mathijse/ versueken(de) restitucie vand(er) ergeringen vors(creven) Es gewijst/ dat de vors(creven) mathijs sal gehouden sijn tvern tvererge(re)n/ vanden vors(creven) bedde te v(er)geldene t(er) taxacien van goeden/ ma(n)nen cor(am) kers(makere) roel(ants) tymple abs(oloens) co(onia) meersb(er)ge febr(uarii)/ xviii