Na dien dat stoet ende questie verresen sijn tusschen clase van sinte goerix/ natuerlic in deen zijde ende arnde van hercke sone wijle(n) arnts in dande(r) zijde/ alse van eene(n) kelde(r) staen(de) ond(er) thuys des voirs(ceven) claes oft ten minsten eens deels/ dair ond(er) inde craechovenstrate ghelege(n) dwelck hij vercreghen heeft tegen den/ ghesuste(re)n bogaerts Soe eest dat de selve claes t(er) eenre ghelooft heeft vander/ selver q(ue)stien te come(n) voir meye(r) en(de) scepen(en) van loeven(en) teghen janne beyart/ zone wijlen machiels inden name en(de) van weghen arnts van herke voirscr(even)/ en(de) van dien tegen hem rechts plege(n) totten eynde uut in alle alsulker vuege(n)/ en(de) manie(re)n oft de selve arnt tegen hem in rechte comp(ar)eerde Gheloven(de)/ en(de) ov(er)gheven(de) de voirs(creven) arnt vast ende ghestentich tot ewighe(n) daghen tond(er)houden(e)/ tgene des bijde(n) voirs(creven) janne beyaert in rechte ghevord(er)t sall werdde(n) in alsulker/ manie(re)n oft hij dat selve ghevord(er)t hadde ende want e(n)nighe segghen willen dat/ de voirs(creven) jan arnt vader des voirs(creven) arnts noch leven soude Soe eest dat/ de voirs(creven) jan en(de) arnt inghevalle oft hij leefde hem ghelooft hebbe(n) in desen te/ vervane en(de) wes vand(er) voirs(creven) saken tusschen clase en(de) janne voirs(creven) ghevord(er)t/ oft ghedaen sal wordden dat heeft gelooft de voirs(creven) jan bij hem selven teewige(n)
//
daghen tond(er)houdene ende bijden voirs(creven) arnde en(de) sinen erfghename(n)/ doen onderhouden en(de) dair af inne te stane ende teghen eeneyeghelijke(n)/ recht warant te zijne cor(am) tymple meersb(er)ghe junii xxv