It(em) niet wed(er)staen(de) dien nochtan dat de voirs(creven) mychiel de voirs(creven) lijfpens(ien)/ ghelooft heeft der voirs(creven) amelb(er)ghen te bewijsene op eene(n) ond(er)pant bynne(n)/ loeven(en) ghelegen weert sijnde bove(n) co(m)me(r) dobbelen chijs na inhoude(n) des/ lijftochts briefs voirs(creven) Soe heeft nochtan de voirs(creven) amelberghe ov(er)gegeve(n)/ en(de) den voirs(creven) michiele gheconsenteert dat soe wanneer augustijn ympens/ sijn swag(er) en(de) hij vertegen zulle(n) hebben vanden goeden ghebleve(n) nae de/ doot jannes wijle(n) ympens en(de) wijle(n) joffr(ouwe) barbele(n) sijns wijfs vad(er) en(de)/ moed(er) des voirs(creven) augustijns en(de) sweer en(de) sweg(er) svoirs(creven) machiels dat hij/ huer dan de selve lijfpen(sien) sal mogen besette(n) en(de) bewijsen op den p(ate)r n(oste)r/ met allen sine(n) toebehoirte(n) ghelegen inde hoelstrate ende dair mede gestaen/ en(de) die bewijsenisse alsoe ghedaen sijnde salme(n) den voirs(creven) lijfp(ensie) brieff te/ nieute doen en(de) a(n)nichile(re)n en(de) alsdan sal de voirs(creven) amelb(er)ge gehoude(n) sijn/ quitan(cie) te geve(n) voir notar(is) en(de) ghetuyge(n) vande(n) vi croenen die huer de/ voirs(creven) wijle(n) jannes ympens huer brued(er) in testamente ghemaect en(de) gelate(n)/ heeft opde goede jacops vanden bossche gheleghen te sciplaken cor(am) eisd(em)