Cont sij allen lieden dat peet(er) van mechelen wonen(de) te holsbeke/ in jeghew(er)digh(eit) der scepen(en) van loeven(en) ghestaen heeft ghenomen/ en(de) bekint dat hij ghenome(n) heeft teghen janne de prijke(re) thoff/ desselfs jans ghelegen te daelputte inde p(ro)chie van holsbeke mette(n)/ huysen hove(n) wynnen(de) lande(n) beempde(n) eussele(n) en(de) allen ande(re)n sine(n) toebehoirte(n)/ in alle der manie(re)n wout(er) van gheele [dat] ghehadt en(de) ghehoude(n) heeft Te/ houden(e) te hebben(e) en(de) te wynnen(e) van halff meerte naistc(omende) eene(n) t(er)mijn/ van neghen jairen [lang] due(re)nde deen nae dand(er) sonder myddel volgende/ elcx jairs dae(re)n bynne(n) de voirs(creven) wynnen(de) lande o(m)me en(de) voe(r) sesse(n)twintich/ mudden rogx wel bereydt der maten van loeven(e) ende de voirs(creven) beempde(n)/ uutghescheyde(n) die weyden opde(n) meersberch [meersberch] dair inne dat die wynne egeen/ recht hebben en sal om en(de) voe(r) xxvi rinssche gul(den) goet en(de) gheeve te/ weten tvoirs(creven) coren tsinte andriesmisse apostels te betalen(e) en(de) te loven(e)/ ten huyse des voirs(creven) jans te leve(re)n ende tvoirs(creven) gelt tsinte m(er)tensmisse/ telken t(er)mijne als vervolghde schout It(em) sal de voirs(creven) wynne noch/ hebben die weyde inde(n) bog(ar)t ald(aer) bij alsoe dat hij dien bevrede(n) sall/ ende tot sine(n) afscheyde(n) wel bevreedt late(n) It(em) sal de voirs(creven) wynne/ noch hebbe(n) half dooft vande(n) oude(n) bog(ar)de ende de voirs(creven) jan dand(er)/ helicht metgad(er)s den gheheele(n) oofte vande(n) jonghe(n) bog(ar)de dat hij/ tsine(n) huys leve(re)n sall te loeven(e) It(em) sal de voirs(creven) wynne leve(re)n/ alle jaire sine(n) t(er)mijn langk due(re)nde vijftich mandelen walms/ o(m)me de huysinghe mede te deckene en(de) alsmen ald(aer) metst ty(m)mert/ plect oft herlat oft and(er)s werct aen doude huyse sal de selve/ wynne dair toe de stoffe hale(n) die me(n) dair toe verwerken sall
//
ende den werckliede(n) den montcost gheve(n) ende die voirs(creven) jan/ sal die dachhue(re)n betale(n) It(em) sal de voirs(creven) wynne de voirs(creven)/ huysinghe houde(n) vand(er) und(er)st(er) rijkelen ned(er)weert en(de) de grechten/ ryoelen op sine(n) cost It(em) sal de voirs(creven) wynne den voirs(creven) janne/ gheve(n) jairlix twee jonghe keesen te paesschen en(de) twee/ keese te sijnre manisse(n) ende oec een vet lam te vaste(n)avonde/ oft te paessche(n) It(em) sal de voirs(creven) wynne den voirs(creven) janne jairlix/ doen viere corweyde(n) met sine(n) waghen(en) en(de) p(er)de(n) It(em) sal de voirs(creven)/ wynne alle jaire de truncwillige(n) al om tvoirs(creven) goet staen(de) van iiii/ jairen en(de) desgelijcx de trunc eycken seven jair oudt sijnde moge(n)/ truncken alle jaire sine(n) t(er)mijn langk due(re)nde uutgeome(n) ten leste(n)/ jaire en sal hij die niet moghen truncken It(em) sal de voirs(creven) wynne/ hebben tsine(n) p(ro)fijte alle de voerlen aen die dellen staende te maelcote/ en(de) opden meersb(er)gh de voerle in mydden aen de strate en(de) die oec/ houwen te seven jairen Item sall de voirs(creven) wynne alle jaire setten vijftich/ poeten en(de) die wel vermaken sond(er) jans cost voirs(creven) en(de) des sal hij/ hebbe(n) alle die verdroeghde wyllige(n) en(de) voir elke oic sette(n) twee poote(n)/ It(em) sal de voirs(creven) wynne op sine(n) cost jairlix sine(n) t(er)mijn due(re)nde den/ voirs(creven) janne den prijke(re) te loeven(en) leve(re)n sijne(n) vierden opper die hij ald(aer)/ heeft It(em) sal de voirs(creven) jan moghe(n) doen sinde(n) alsoe vele wyen als hij/ behoeve(n) sal aen sijn wijng(ar)de en(de) die sal de voirs(creven) wynne den selve(n) ja(n)ne/ oic thuys leve(re)n It(em) sal de voirs(creven) wynne de voirs(creven) lande laten tot/ sijne(n) afscheyden(en) alsoe hij die aenverdt heeft Te weten een boend(er)/ opde(n) meersberch ghelege(n) gheheeten den breen [bremt] wel ghemest en(de) besaeyt/ met rogghe It(em) een boend(er) aende strate ald(aer) wel ghemest en(de) besaeyt met/ rogghe It(em) den acht(er)berch houden(de) een half dachmael It(em) acht(er) den bog(ar)t/ drie dachmale It(em) een half boend(er) voir henricke de waersaghe(re) al wel/ ghemest en(de) besaeyt met rogghe Item een boend(er) opde pinsedelle/ besaeyt met stoppelrogghe It(em) een dachmael dair bij en(de) dblock al/ besaeyt oic met stoppelrogghe It(em) een quaet halff boend(er) met even(en) It(em)/

sesse dachmale bove(n) den wijng(ar)t It(em) tkersseleerken boend(er) brake op een/ vore en(de) een halff dachmael dair neve(n) It(em) vi dachmale bove(n) den/ wijg(ar)t brake ende eens o(m)me ghedaen It(em) te maelcote vi dachmalen/ brake op een vore dair op besaeyt v molevate(n) arwete(n) It(em) te putte
//
vi dachmalen op eene vore It(em) i(½) dachmael aen de zijcht geheel/ It(em) drie boend(er) te maelcote brake niet omghedaen It(em) sal de voirs(creven)/ wynne den rogghe(n) arnde [art] laten tsijne(n) afscheyde(n) op viere vore(n) den/ gerstene(n) art op drie en(de) den even(en) art op twee voe(re)n [gewonnen] It(em)/ es vurw(er)de oft die wynne schade lede van tempeeste oft ghemeyne(n)/ orloghe dat die schade die voirs(creven) jan de prijke(re) he(m) die vergutssche(n)/ sal ghelijck ande(r) wynne hue(re)n pechtene(re)n bove(n) ende benede(n) doen/ zulle(n) It(em) en sal die voirs(creven) wynne bynne(n) sine(n) voirs(creven) t(er)mijne/ egheene ande(r) lande moge(n) houde(n) noch aenverden dan de lande/ voirs(creven) uutghescheide(n) (½) boend(er) lants ond(er) hoff en(de) lant den voirg(enoemde)/ wynne toebehoren(de) gelege(n) acht(er) thuys des selfs wynne(n) te holsbeke/ It(em) sal oic de voirs(creven) wynne bynne(n) den voirs(creven) hove jairlix sine(n) t(er)mij(n)/ due(re)nde houde(n) te(n) mynste(n) drie viventwinth oft vijftich lijfschape(n)/ It(em) allet stroe dat jairlix vande(n) voirs(creven) goede(n) come(n) sal en(de) dat/ die voirs(creven) wynne int voirs(creven) hoff sal bringe(n) dair af asal hij mest/ maken en(de) dat op de voirs(creven) lande des voirs(creven) jans vuere(n) tot hue(re)n/ meeste(n) profijte zond(er) dat uute(n) voirs(creven) hove te moge(n) vue(re)n It(em)/ want de voirs(creven) jan de prijke(re) de grechte(n) totte(n) voirs(creven) goede(n) behoiren(de)/ wel heeft doen trecken en(de) ryoele(n) soe es vurw(er)de [dat] de voirs(creven)/ wynne die alle jaire sine(n) t(er)mijn langk due(re)nde sal doen trecken/ en(de) ryoelen e(m)mer een deel dair af ende ten leste(n) jaire wel en(de)/ loflijken met haken ghetoghe(n) late(n) Voort eest vurw(er)de datme(n) visite(re)n/ en(de) ov(er)sien sal de willige(n) opde voirs(creven) goede staen(de) en(de) die salme(n)/ houwen en(de) ghelijke(n) in viere houwe(n) alsoe dat de voirs(creven) jan de/ prijke(re) ten leste(n) jaire eene(n) houwe behoude(n) sal o(m)me de voirscr(even)/ goede d(aer) mede te beheymen(e) en(de) te bevrede(n) Ende alle dese vors(creven)/ condicie(n) gelufte(n) en(de) vurw(er)de(n) hebbe(n) de voirs(creven) wynne in deen zijde/ ende jan de prijke(re) in dand(er) zijde geloo malcande(re)n gelooft waer/ vast en(de) gestentich en(de) onv(er)brekelick te houde(n) en(de) te voldoene talle(n)/ tijde(n) en(de) t(er)mijne(n) als die valle(n) en(de) v(er)schijne(n) zulle(n) en(de) telken t(er)mijne/ als v(er)volghde schout H(ier) af es borge des voirs(creven) wynne(n) als p(ri)ncipael/ schulde(r) onghesund(er)t jan de waersaghe(re) wonen(de) te holsbeke sijn behoude zone/ et p(rim)[(us)] cor(am) colonia meersb(er)ghe januarii pe(nulti)[ma]