It(em) nae dien dat willem d(er) moyen als heilegeestmeest(er) van brecht/ t(er) eenre zijden ende willem van backenbrugghen poirte(r) der stad van loeven(en)/ t(er) ande(r) zijden comen sijn voir den raide vander stad als van eene(n) jonge(n)/ kynde gheheeten aeghte gheboren van lijsbette(n) claes dwelck te vondelinge(n)/ tot brecht gheleet was en(de) alsoe te laste quam vand(er) taefflen vanden/ heilighengheeste ald(aer) Ende nae dien dat de selve taefele bevonde(n) heeft/ dat tvoirs(creven) kynt als vad(er) toebehoirt willeme van backe(n)brugghe(n) voirs(creven) Soe/ heeft de selve taeffele hem tvoirs(creven) kint willen ov(er)leve(re)n dwelck de voirs(creven)/ willem niet en heeft willen aenv(er)den noch kynne(n) hem vad(er) va(n) dien/ te zijne ende alsoe sijn de voirs(creven) p(ar)tijen mits dien dat hem de voirs(creven)/ willem van backenbrugghe h(ier) teghen mett(er) vrijheit van sijnre porterie(n)/ bevinden woude come(n) voir den raide vand(er) stad ald(aer) de voirs(creven) heiligeest/ meest(er) alnoch begheerde ende versochte aen willeme voirs(creven) dat hij/ tvoirs(creven) kint als sijn woude ov(er)neme(n) en(de) betalen de costen van dat/ tselve kint bijden schouteit ald(aer) van heerheid(en) ald(aer) bestaeydt was/ elcx daighs (½) stuv(er) en(de) een vat biers ende iii stuv(er)s van broede dat/ de heiligeest der voirs(creven) lijsbette(n) in hue(re)n kynd(er)bedde gegeve(n) hadde/ Ende ofte willem van backenbrugghe(n) noch ontkenne(n) woude hem/ vad(er) vande(n) voirs(creven) kynde te zijne Soe boot dat de heiligeest meest(er)/ ten coste vande(n) onghelijke(n) mett(er) vroed(er)vrouwe(n) en(de) ande(re)n vrouwen/ die inden arbeit vand(er) gheboerte(n) des voirs(creven) kints gheweest hadden/ dat waer te zijne ende want de selve poirte(r) dat alnoch ontkinde/ Soe heeft de heiligeest meest(er) dair toe dach ghenome(n) te thoene(n)/ ende ten daghe van thonissen te weten op hede(n) heeft de selve/ heiligheest meest(er) mett(er) vroedevrouwen en(de) drie ande(re)n wettighen/ vrouwen weerdich van gheloeve ghetoo(n)t dat de voirs(creven) lijsbeth/ moed(er) vande(n) voirs(creven) kynde ten tijde van hue(re)n arbeyde en(de) in hue(re)r/ meest(er) noot dair de voirs(creven) vrouwe(n) teghewordich wae(re)n nam op huer/ ziele en(de) zalicheit en(de) op den arbeyt dair mede sij bevanghen was/ dat nyemant and(er)s vad(er) en was van dien kynde dan willem van/ backenbrugghe voirs(creven) Ende soe es get(er)mineert dat de selve
//
willem van backenbrugghe tvoirs(creven) kint te hemweert neme(n) sal/ ende den heiligeeste dair af ontlaste(n) en(de) den selve(n) heiligeeste/ betale(n) die ame biers en(de) iii stuv(er)s voirs(creven) en(de) voort betalen/ dat tselve kint van heerheide(n) gelijck voirs(creven) steet bestaeydt was/ cor(am) liemingen ouderogge burgimag(ist)ris et aliis de pleno consilio/ maii xiiii videl(ice)t die vener(is)