It(em) nae dien dat ph(ilip)s pynnock als poirt(er) lijsbette(n) va(n) ha(m)me weduwe hugens wijle(n)/[van vyleer] in deen zijde ende jan tribout van weghe(n) anthonijs van eekelhove(n)/ in dand(er) zijde come(n) sijn voir den raide va(n)d(er) stad alse van hond(er)t/ peet(er)s iiii myn die de voirs(creven) lijsbetten va(n) ha(m)me den voirs(creven) anthonijse/ geleent zoude hebbe(n) ende d(aer) af zeke(r) uutsprake(n) gedaen sijn geweest/ bij zegge(re)n vanden selve(n) p(ar)tije(n) d(aer) toe gecoe(re)n en(de) genome(n) Te weten(e)/ h(ere)n diericke(n) meest(er) van arschot meest(er) ja(n)ne wemeldinge(n) arnde/ van dieste en(de) janne tribout voirs(creven) mits welken segge(re)n de voirs(creven)/ ph(ilipp)us meynde dat hem als p(ro)cur(eur) voirs(creven) meer aengeseegt was te/ volgen(e) dan alsulke lvii peet(er)s als de voirs(creven) jan trybout den selve(n)/ philippse gegeve(n) hadde Seggen(de) voort de selve ph(ilip)s dat hij/ niet meer onfange(n) en heeft dan de lvii peet(er)s voirs(creven) en(de) dat/ nochtans dien niet wed(er)staen(de) de voirs(creven) jan tribout quitan(cie) hadde/ vand(er) gheheeld(er) so(m)me(n) voirgeruert Welke quitan(cie) hem gegeve(n) was/ op goet betruwe(n) en(de) t(er) goed(er) trouwe(n) te weten(e) al waest alsoe dat/ hij m(air) lvii peet(er)s betaelt en hadde dat hij nochtans tsurplus/ betalen zoude alsoe verre dat in sine(n) hande(n) come(n) we(re) Ende want/ wair es dat inde(n) hande(n) des voirs(creven) jans tribout van wege(n)/ des voirs(creven) anthonijs come(n) sijn lxxx peet(er)s Soe meynde de/ selve ph(ilip)s dat hem tsurplus van dien opde voirs(creven) lvii peet(er)s/ gheleet soude wordde(n) en(de) dat hij voort vande(n) surplus wassen(de)/ ov(er) de voirs(creven) lxxx peet(er)s tot hond(er)ten toe vier myn staen/ soude op sijn beloep van rechte Dair op de voirs(creven) jan tribouts/ antw(er)de seggen(de) dat hij nair d(er) eendrechtig(er) uutsprake(n) vande(n)/ segge(re)n voirs(creven) de voirs(creven) anthonijs schuldich we(re) te ghestane/ mette(n) lvii peet(er)s voirs(creven) gemerct dat de segge(re)n dat alsoe/ uutgesproken hebbe(n) dat de voirs(creven) anthonijs d(aer) mede gestaen/ zoude en(de) quitan(cie) hebbe(n) vand(er) geheeld(er) so(m)me(n) Ende nae die(n)/ dat beyde de voirs(creven) p(ar)tije(n) hen des gedrage(n) hebbe(n) totte(n) segge(re)n/ voirs(creven) o(m)me die bijde(n) raide vand(er) stad gehoirt te wordden(e) in/ wat manie(re)n sij huer uutsprake van die(n) gedaen hebbe(n) Soe/ sijn beyde p(ar)tije(n) van dien gewese(n) tot hue(re)n thonisse en(de)
//
op hede(n) als op dach van thonne(n) de segge(re)n voirs(creven) come(n)/ sijn bijde(n) raide en(de) hen ghehoirt sijnde soe soe es/ ten uut(er)sten get(er)mineert dat de voirs(creven) jan tribout/ den voirs(creven) ph(ilip)s als p(ro)cur(eur) der voir(screven) lijsbette(n) en(de) inde(n)/ name van huer opde voirs(creven) lvii peet(er)s leggen sal en(de)/ betale(n) iii peet(er)s maken(de) tsame(n) lx peet(er)s welke lx/ peet(er)s costeloes hem inde(n) na den voirs(creven) philipse inden/ name als voe(r) volge(n) zulle(n) ende met dien lx peet(er)s/ sal de voirs(creven) jan tribout en(de) anthonijs aen den voirs(creven)/ philipse en(de) lijsbette(n) gestae(n) en(de) dair op sal de g(e)n(er)al(e)/ quitan(cie) voirgeruert den voirs(creven) janne en(de) anthonijse/ ov(er)gegeve(n) wordde(n) Mair eest alsoe dat de voirs(creven) segge(re)n/ yet te volgen hebbe(n) van hue(re)n coste(n) dat sij dat mogen/ doen aen tsurplus vande(n) gelde dat come(n) es in handen/ jans tribouts voirs(creven) wassende ov(er) de voirs(creven) lx peet(er)s tott(er)/ lxxx peet(er)s toe cor(am) d(omi)no jacobo ex lieminge(n) et ouderogge/ burgimag(ist)ris (et) aliis de (con)silio act(um) xxvi maii a(nn)[o] lxii