It(em) de voirs(creven) joffr(ouw) heylwijch in p(rese)ncia heeft ghelooft henricke van ruysbroeck voirs(creven)/ want sij theffen heeft inde voirs(creven) iii rijd(er)s lijftochte(n) tot hue(re)n kynde(re)n live voirs(creven) dat/ sij metten selv(en) heffene de voirs(creven) iii rijd(er)s als die ghevalle(n) sulle(n) sijn sall/ vervolghe(n) en(de) die selve drie rijd(er)s alle jaire gheve(n) michiele van hortbeke/ ten bijwesen(en) desselfs henricx alsoe langhe de selve michiel leven sal en(de)/ alsoe dair mede den voirs(creven) henricke van ruysbroeck en(de) sijn goede aen den/ voirs(creven) michiele lossen van alsulken iii rijd(er)s lijftochte(n) ten live desselfs michiels/ ende [d(aer)] vore de vors(creven) henricke van ruysbroeck als borghe willems wijle(n) wittenis/ natuerlicx wettich mans der voirs(creven) joffr(ouwe) heilwige(n) met scepen(en) brieve(n) v(er)bonde(n)/ es ende sijn goede dair vore verobligeert heeft Ende oft ghebuerde dat de/ voirs(creven) machiel aflivich wordde en(de) alsoe dat de voirs(creven) iii rijd(er)s tot sine(n) live(n)/ staen(de) versmolte(n) soe sal de voirs(creven) joffr(ouw) heilwijch die heffen tot hue(re)n p(ro)fijte/ alsoe langhe als sij leeft ende nae de doot van huer soe es vurweerde dat/ den voirs(creven) scepen(en) brief van drie rijd(er)s ten live d(er) kinde(re)n joffr(ouwe) heilwige(n) voirs(creven)/ sal blive(n) ond(er) scepen(en) van loeven(e) o(m)me dair mede de selve lijftochte(n) bij de(n) gene(n)/ die de macht vande(n) brieve(n) sall hebbe(n) verhaelt te wordde(n) Behoudelijke(n)/ dat de jairlijke ingehave(n) rinte van dien oic sal come(n) ond(er) scepen(en) tot behoef/ des voirs(creven) henr(ix) van ruysbroeck o(m)me ald(aer) te bliven(e) tott(er) tijt toe dat de vors(creven)/ kinde(re) der voirs(creven) joffr(ouwe) heilwige(n) afgegaen zulle(n) hebbe(n) huers rechts alsoe/ en(de) dair dat behoirt van alsulke(n) iiii mudde(n) corens erfspachts op zeke(r) goede/ tot cu(m)ptich ghelege(n) toebehoiren(de) peet(ere)n swaus die de voirs(creven) henr(ick) van/ ruysbroeck tege(n) d(er) voirs(creven) joffr(ouwe) heilwige(n) vercrege(n) heeft Van welke(n) vercrigen(en)/ de pe(n)ninghe come(n) sijn dair mede de voirs(creven) iii rijd(er)s ghecocht sijn cor(am) eisd(em)