SAL8133, Act: R°141.1 (252 of 477)
Search Act
previous | next
Act R°141.1  
Act
Date: 1462-12-23

Transcription

2019-12-28 by myriam bols
It(em) jan van landeloes sone wilen gielijs wonende te kersbeke/
in p(rese)nc(ia) heeft genome(n) [gehuert] en(de) bekint dat hij genome(n) [gehuert] heeft tegen/
roelove boxhore(n) eene(n) beemt houden(de) ii boend(er) luttel min oft/
meer gelijc dat hij gelege(n) is te kersbeke opde velpe tussce(n)/
de goede jonch(e)r wout(er)s van elde(re)n en(de) de goede vand(er) calste(re)n/
Te houden en(de) te hebbene van half m(er)te naestcom(ende) eene(n) t(er)mijn/
van vi jare(n) lang due(re)nde deen nae dand(er) (et)c(etera) elx jaers/
dae(re)nbinnen o(m)me en(de) vore xvi rinsch gul(den) te xx stuv(er)s/
stuc sinte denijsdage te bet(alen) den vors(creven) roelove den vors(creven)/
t(er)mijn due(re)nde q(uolibet) ass(ecutu)[m] opde vurw(er)d(en) hier nae bescr(even) Inde(n) ierste(n)/
soe wa(n)neer de velpe d(aer) ald(aer) me(n) de [vors(creven)] velpe ald(aer) vege(n) en(de)/
ruyme(n) sall dat de vors(creven) roeloff en(de) jan dat te gelike/
betale(n) sulle(n) en(de) de vors(creven) jan sal besorgen dat dat ged(aen)/
sal worden It(em) sulle(n) de vors(creven) roeloff en(de) jan de poeten willige(n)/
opde vors(creven) goede staen(de) te gelike(n) coste doen truncke(n) en(de) de/
poete(n) d(aer) af comen(de) uutslaen en(de) die selve poete(n) te gelike(n) coste/
wed(er)o(m)me opde(n) vors(creven) beemt ten meeste(n) p(ro)fijte doen setten/
en(de) dand(er) hout sal volgen den vors(creven) ja(n)ne o(m)me den vors(creven) beemt/
d(aer) mede te beheyme(n) en(de) te bevrede(n) cor(am) eisd(em)
ContributorsMi-Je Van Gils
Moderated byMi-Je Van Gils
Last update: 2019-03-11 by kristiaan magnus