It(em) henrick van boloengen wonen(de) te hug(ar)den in p(rese)nc(ia)/ heeft ghekent ende ghelijt dat hij wale ende wettelick/ vercocht heeft janne cleinvrancke wonen(de) te kyesekem ende/ h(er) [gheert] gheheete(n) vanden goere priest(er)s aut alt(er)i den houw/ van eenen stuck boschs gheleghe(n) te molenbeke bove(n) de/ kercke tusschen de goede she(re)n van chantrain in deen zijde/ ende de goede willems van opgeldenake op dand(er) zijde de/ goede der erfghename(n) jans wijlen van houthem opde/ derde zijde ende de strate gheheete(n) de drieschstrate gaen(de)/ te beckevort inde vierde zijde voir eene(n) prijs van gelde/ dair af dat hem de voirs(creven) henrick vanden voirs(creven) janne/ bekent heeft ghenoech gheschiet te zijne den selven/ janne vanden selve(n) prijse volcomelick quijtschilden(e)/ Gheloven(de) de voirs(creven) henrick den voirs(creven) janne van des voirs(creven)/ steet altoes ghenoech te doene ende teghen eene(n)yegelijken/ dair aff altoes dair af gerecht warant te zijne ende es/ vurw(er)de dat de voirs(creven) jan tvoirs(creven) bosch te sine(n) schoenste(n)/ tusschen dit ende sinte jansmisse naistc(omende) sal moghe(n) houwe(n)/ cor(am) lyeminghe(n) vyncke novemb(ris) xviii