Tvonnisse tusschen arndeken van beke pelstouwe(r) in deen zijde/ ende arnde den smet cleermake(r) in dand(er) zijde alse van dat/ de voirs(creven) arndeken van beke den voirs(creven) arnde smeets aensprack/ van dat tusschen den selve(n) arnde den smet met henneke cruyplant/ sine(n) knape in deen zijde en(de) den voirs(creven) arndeken van beke ter ande(r)/ zijden ghehoude(n) soude sijn een dachvaert o(m)me den peys te makene/ van alsulker quetssue(re)n als de voirs(creven) arndeken van beke ontfanghen/ hadde Ende dat in dier dachvaert de voirs(creven) arnt smeets toegeseet/ en(de) ghelooft zoude hebbe(n) de selve man te zijne die de quetssue(re)/ ghedaen hadde ende dair voe(r) inne te staene beghe(re)nde van hem/ dair af o(m)me ghebetert te hebbene eene wyekende wonde met/ eene(n) weghe te meylane(n) oft met sulken weghen als scepen(en) wijse(n) soude(n)/ en(de) den meest(er) voe(r) afghedaen Dair op de voirs(creven) arnt hem dat ontkennen(de)/ maer seyde waer te zijne dat hij ten tijde vand(er) dachvaart alsoe gesindt/ was hadde den peys doen toeghegaen dat hij voir de(n) selve(n) peys gesproke(n)/ zoude hebben ende dien voldaen ende and(er)s niet en hadde hij dair inne/ toegheseet noch ghelooft Es gewijst dat de voirs(creven) arnt smeets vand(er)/ voirs(creven) aenspraken onghehoude(n) sal sijn cor(am) lyeminghe(n) wytte vyncke/ cok(eroul) ouder(ogghe) dec(embris) vii[a]