It(em) de voirs(creven) jan van holair ende alijt sijn wijff in p(rese)nc(ia) hebben/ ghekent ende ghelijt dat hen alsulken vonnisse als tusschen hen met/ den priore ende convente vande(n) p(re)deke(re)n voirs(creven) inde(n) name en(de) van/ weghen brued(ers) gielijs vand(er) stoct huers mede conventuael t(er) eenre/ en(de) arnold(en) kyp sec(re)tar(is) janne boxhoe(re)n ende arnde vand(er) berct als/ executeurs des testaments meest(er)s gielijs wijlen vander stoct in dand(er)/ zijde ghewesen es bijden conservateur der univ(er)siteit van loeven(e) aengaen(de)/ dien hond(er)t ende lxxxvi clinckaerde(en) ghecome(n) van dien x clinck(aer)de/ lijftochte(n) die de voirs(creven) wijle(n) meest(er) gielijs met testamente den voirs(creven)/ brued(er) gielijse en(de) alijten ghelate(n) hadde voldaen en(de) volvuert sijn Ende/ dat bijden selve(n) executeurs bij consente van hen den priore en(de) convente/ voirs(creven) ov(er)ghegeve(n) sijn lxxx clinck(aer)de vand(er) so(m)me(n) voirs(creven) ende de sesse/ clinck(aer)de den voirs(creven) ja(n)ne boxhoe(re)n ende dat dande(r) hond(er)t clinckarde hen/ opden dach van hede(n) aengheleet en(de) bekeert sijn in x clinckarde(n) lijftochte(n)/ ten live van brued(er) [gielijs vand(er)] stoct voirs(creven) op dat hij leeft ende ten live alijten voirs(creven)/ Ende in ghevalle oft de selve brued(er) gielijs aflivich es ten live jans/ van holair voirs(creven) ende alijten sijns wijffs voirs(creven) ende es die voirs(creven)/ lijftochte verborcht mette(n) prioer ende convente voirs(creven) en(de) met pet(ere)n/ vanden winckele janne knoep ende arnde de mu(n)tre Bekennen(de) hen de/ selve jan en(de) sijn wijff bijden voirs(creven) executeurs vanden testamente des/ voirs(creven) wijlen meest(er) gielijs ende vanden vonnisse(n) voirs(creven) bijden (con)s(er)vateur/ voirs(creven) bewesen volcomelick ghenoech gheschiet sijnde P(ro)mitten(tes) nullat(enu)s/ alloqui cor(am) eisd(em)